Hopp til innhold

Smittevernlege

Arbeidsgiver

HELSETENESTEUTVIKLING, Helse Møre og Romsdal HF

Sted

Opdølvegen 4, 6450 Hjelset, Åsehaugen 5, 6017 Ålesund

Om jobben

Oppstart
1. januar 2027
Stillingstittel
Smittevernlege
Type ansettelse
Fast, deltid 60%
Antall stillinger
1

Søk på jobben

Søk senest søndag 6. desember

Smittevern er eit viktig satsingsområde i Helse Møre og Romsdal. Vi søkjer ein lege som ønskjer å bidra til eit trygt, kunnskapsbasert og framtidsretta smittevernarbeid i føretaket.

Smittevernarbeidet i Helse Møre og Romsdal er organisert som ei føretaksdekkjande teneste i fagavdelinga. Stillinga er organisatorisk plassert i Seksjon for helsetenesteutvikling, med fagleg rapportering direkte til fagdirektøren i smittevernfaglege spørsmål. Stillinga har ikkje personalansvar, men har ei sentral medisinskfagleg rolle i smittevernarbeidet og inneber tett samarbeid med smittevernrådgivarane og andre relevante fagmiljø i føretaket.

Smittevernpersonalet består av fem rådgivarar i til saman 4,5 årsverk, lokaliserte ved sjukehusa våre. Rådgivarane arbeider mellom anna med infeksjonsførebygging, utbrotshandtering og andre smittevernfaglege spørsmål.

Stillinga utgjer til saman 60 prosent. Vi er opne for ei fleksibel organisering der stillinga kan fyllast av éin lege eller delast mellom to legar, til dømes 40 og 20 prosent. Stillinga kan kombinerast med klinisk arbeid etter nærare avtale. Startdato kan også avtalast nærare.

Hovudarbeidsstaden vil vere Ålesund sjukehus eller SNR Hjelset, etter avtale. Det må reknast med arbeid og nærvær ved fleire av lokasjonane til føretaket.


Arbeidsoppgåver

Du vil arbeide innan følgande hovudområde: 

  • Medisinskfagleg rådgiving: Gi råd til organisasjonen i smittevernfaglege spørsmål.
  • Fagleg utvikling: Bidra til infeksjonsførebygging og utvikling av det systematiske smittevernarbeidet i føretaket.
  • Overvaking og kvalitetsarbeid: Bidra til vurdering av styringsdata knytte til antibiotikabruk og helsetenesteassosierte infeksjonar, og bruke dette som grunnlag for kvalitetsforbetring og prioritering av tiltak.
  • Utbrotsberedskap: Ha ei sentral medisinskfagleg rolle ved utbrot og andre smittevernhendingar.
  • Antibiotikastyring: Bidra til å leggje føringar for antibiotikapolitikken i føretaket, saman med det sentrale antibiotikateamet.
  • Undervisning og rettleiing: Bidra til kompetanseutvikling innan smittevern og infeksjonsførebygging.
  • Tverrfagleg samarbeid: Samarbeide med smittevernrådgivarar, kliniske fagmiljø, mikrobiologi, infeksjonsmedisin, HMS og andre relevante fagmiljø.

Kvalifikasjonar

  • Norsk autorisasjon som lege
  • Spesialist i infeksjonssjukdommar eller medisinsk mikrobiologi, eller annan relevant spesialitet. Relevant erfaring innan smittevern kan kompensere for spesialitet.
  • Interesse for og gjerne erfaring med smittevern, infeksjonsførebygging og antibiotikastyring.
  • Erfaring med kvalitetsarbeid, forbetringsarbeid eller pasienttryggleik er ein fordel.
  • Gode munnlege og skriftlege norskkunnskapar.

Personlege eigenskapar

  • Gode samarbeidsevner og evne til å byggje relasjonar på tvers av sjukehus, fagmiljø og nivå.
  • Evne til å kombinere strategisk arbeid med praktisk og operativ oppfølging.
  • Strukturert arbeidsform og evne til å prioritere.
  • Gode kommunikasjonsevner og evne til å formidle faglege vurderingar på ein tydeleg måte.
  • Engasjement for pasienttryggleik, kvalitetsarbeid og fagleg utvikling.
  • Personleg eignaheit vil bli vektlagd.

Vi tilbyr

  • Ei sentral medisinskfagleg stilling innan eit område med stor betydning for pasienttryggleik og kvalitet.
  • Fleksibel organisering og høve til å kombinere stillinga med klinisk arbeid.
  • Eit etablert smittevernfagleg miljø med engasjerte kollegaer ved sjukehusa i føretaket.
  • Tett samarbeid med kliniske fagmiljø, infeksjonsmedisin, medisinsk mikrobiologi og leiinga i føretaket.
  • Høve til fagleg utvikling, kurs og relevante faglege nettverk.
  • Lønn i samsvar med gjeldande avtalar.
  • Gode pensjons- og forsikringsordningar.
Vi ber om at attestar og vitknemål vert lasta opp som vedlegg til søknaden.

Kontaktinformasjon

Erik Ganesh Iyer Søegaard, Fagdirektør, 92454499, erik.ganesh.iyer.soegaard@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5151571996
Stillingsprosent: 60%
Fast
Startdato: 01.01.2027
Søknadsfrist: 06.12.2026

Kontaktperson for stillingen

Erik Ganesh Iyer Søegaard

Fagdirektør

92454499

erik.ganesh.iyer.soegaard@helse-mr.no

Om bedriften

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Akuttsjukehusa i HMR er i Volda, Ålesund, og på Hjelset i Molde kommune. I SNR Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.


Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal 


Sektor

Offentlig

Del annonsen

Annonsedata

Rapporter annonse
Stillingsnummer

90c59ff9-703c-43b6-8dd1-ae8f4597ccfb

Sist endret

20. november 2026

Hentet fra

talentech

Referanse

7ee372104bd348afb8dde2781b85aba5

Lignende annonser

Laster lignende annonser