Vaken nattevakt

 

Miljøterapi i akuttinstitusjon – ei meiningsfull og utfordrande rolle

Har du stort engasjement og eit hjarte som bankar for ungdom? Då kan dette vere jobben for deg!
Hos oss bur ungdom i akutte og krevjande livssituasjonar. Dei treng vern, tryggleik og støtte. Nokre har opplevd omsorgssvikt, andre strevar med rus, kriminalitet eller psykiske helseutfordringar. Mange har erfaring med traume, vald og normlaus åtferd.

Er du klar for ei krevjande, men svært meiningsfull jobb der du verkeleg kan gjere ein forskjell?
Når ein ungdom kjem til oss, står dei ofte i ein kritisk fase av livet. Vår oppgåve er å skape stabilitet, tryggleik og retning – slik at dei får ein reell sjanse til å snu kursen. Vi jobbar målretta for å førebyggje vidare skjevutvikling, og du kan bli ein viktig del av dette arbeidet!

Som miljøterapeut i ei akuttinstitusjon må du vere robust, fagleg trygg og ha evne til å stå støtt når det stormar. Dersom du finn meining i dette, og har eigenskapane, utdanninga og erfaringa som skal til, kan dette vere den rette jobben for deg.

Stavanger akuttsenter, avdeling Røyneberg, tek imot ungdom plassert etter lov om barnevern §§  4-1 og 4-2/ paragraf 4-12. Vi har totalt plass til 3 ungdomar i alderen 13-18 år. Ungdomane bur på institusjonen inntil akuttsituasjonen er avklart, med eit mål innan 28 dagar. Opphaldet i institusjonen skal bidra til utgreiing og kartlegging i forhold til eventuelle vidare tiltak. Senteret har to institusjonsavdelingar og to beredskapsheimavdelingar med totalt 79 beredskapsheimar. Senteret bistår heile Rogaland og tek i mot ca. 350 barn i året. Det å jobbe i akutten byr på spanande utfordringar, høgt tempo og varierte oppgåver. Vi set kvalitet høgt, har eit godt fagmiljø med eigne arbeidsmodellar og eit internt opplæringsprogram. Vi tilbyr gode høve for utvikling, rettleiing, og fagleg oppfølging i eit godt arbeidsmiljø.
 
Ved Stavanger akuttsenter avdeling Røyneberger det ledig  1 vaken nattevaktstilling i 74,46 %  Oppstart snarast. 
Avdelinga har eigen nattevaktturnus med vaktar inntil 10 timar. Arbeid kvar tredje helg. Bemanningsnorm er 2 vakne.

Vi ynskjer ei lik kjønnsfordeling blant tilsette på våre institusjonsavdelingar.

Arbeidsoppgåver

• Målretta fagleg og miljøterapeutisk arbeid i tråd med traumebasert omsorg, senterets retningslinjer og fagleg rettleiar.
• Delta på/ ansvar for inntak, overlapping, praktiske oppgåver og vedlikehald i og rundt avdelinga, forberede frukost og følgje opp kvelds- og morgonrutinar.
• Motivera og engasjera ungdomane i positive aktivitetar, samt bidra til at bebuarane får delta og oppleva tryggleik og trivsel mens dei bur hjå oss.
• Samarbeid med foreldre/føresette, sosialt nettverk, og andre viktige samarbeidspartnarar rundt den einskilde ungdom.
  
• Skriftleg dokumentasjon og bistand med rapportskriving. 
• Ansvarsvakt.

Kvalifikasjonar

Krav til stillinga:

• Fullført 3-årig sosialfagleg høgskuleutdanning (sosionom, barnevernspedagog eller vernepleiar) tilsvarande 180 studiepoeng.
• Søkjarar med anna relevant bachelorgrad som til dømes sjukepleiar, pedagog, psykolog eller lærar kan vurderast, fortrinnsvis med 60 stp. relevant vidareutdanning.
• Søkjarar utan høgskuleutdanning, med relevant praksis og/eller fagbrev som barne - og ungdomsarbeider, kan og søkje.
  
• Krav om god munnleg og skriftleg framstillingsevne på norsk.
• Sjølvstende i skriftleg arbeid og god kunnskap i bruk av dataverktøy i dokumentasjonsarbeid på norsk.
• God fysisk og psykisk helse.
• Krav om førarkort for personbil kl. B.

Det er ønskjeleg med:

Erfaring frå miljøterapeutisk arbeid i barneverninstitusjon og/eller barne- og ungdomspsykiatri.

Personlege eigenskapar

• Vi søkjer deg som vert motivert av ansvar, arbeider sjølvstendig, er trygg i vaksenrolla og som kan romme ungdomane og deira behov.
• Du må ha evne til å oppretthalde ein god struktur, eit fagleg perspektiv og å samarbeide i team.
• Du er fleksibel og trivst med store utfordringar, og du har evne til hurtig omstilling.
• For deg er medverknad og samarbeid med familie, nettverk og andre samarbeidspartar ein viktig del av det miljøterapeutiske arbeidet.

For oss er det også svært viktig korleis du som person passar til jobben. Dette vil bli tatt med i den totale vurderinga.

Vi tilbyr

• Stillinga er plassert i statleg lønsregulativ i stillingskode 1495 barnevernspedagog, 1494 sosionom, 1508 vernepleiar eller 1489 miljøterapeut, p.t. kr 490 000 – 615 000 pr. år. 
  
• Ved relevant vidareutdanning tilsvarande 60 studiepoeng, kan det tilsetjast i stillingskode 1510 spesialutdanna barnevernspedagog, 1185 spesialutdanna sosionom, 1509 spesialutdanna vernepleiar, 1534 spesialutdanna miljøterapeut, p.t kr 540 000 – 670 000 pr. år. 
  Ved godkjenning som klinikar, kan det tilsetjast i stillingskode 1173 klinisk sosionom eller 1496 klinisk barnevernspedagog, p.t. kr 548 000 – 670 000 pr. år. 
•  For søkarar utan høgskuleutdanning eller ikkje fullført bachelorgrad kan det tilsetjast i stillingskode 1486 miljøarbeider, p.t. kr 420 000 – 520 000 pr år eller 1488 miljøterapeut med minimum 2 år relevant høgskuleutdanning p.t. kr 460 000 – 560 000. 
• Tillegg for ubekvem arbeidstid ifb med turnus.
• Løn og stillingskode vert vurdert etter utdanning og erfaring. 
• Medlemskap i Statens pensjonskasse jf. Lov om Statens pensjonskasse, som inneber ein god tenestepensjonsordning, moglegheit for bustadlån på konkurransedyktige vilkår, samt yrkesskade- og gruppelivsforsikring.

 

Dessutan kan vi tilby:

• Gode høve for utvikling, rettleiing, og fagleg oppfølging i eit godt arbeidsmiljø.
• Eit godt fagmiljø med eigne arbeidsmodellar, internt opplæringsprogram og eiga fagavdeling.
• Du får vere med på å løfte oss slik at vi kan gje barn og unge og familiar eit enda betre tilbod, og det meiner vi har ein stor verdi i seg sjølv.

 

Opplysningar til deg som søkjer:

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
  
• Stillinga er for tida lagt til Stavanger akuttsenter, avd. Røyneberg . 
  
• Politiattest må framleggast ved eventuell tilsetting, jf lov om barnevern § 12-11 andre ledd, og forskrift om politiattest § 7. Denne attesten skal ikkje leggast med søknaden.
  
• Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
  

Søknad med CV skal sendast elektronisk via lenke på denne sida.

Vitnemål og attestar med bekrefta stillingsstorleik og varigheit skal leggjast ved elektronisk som vedlegg i Webcruiter, samt takast med ved eit eventuelt intervju.

Kontaktinformasjon

Nina Østebrød Skåra, Avdelingsleder, 466 17 626, nina.skara@bufetat.no
Bernt Magne Egeland, Fagansvarlig, 466 19 333

Arbeidssted

Marknesringen 48
4052 Røyneberg

Nøkkelinformasjon:

Arbeidsgiver: Bufetat

Referansenr.: 5058116499
Stillingsprosent: 74%
Fast
Startdato: 01.03.2026
Søknadsfrist: 01.02.2026