Leiar for helsestasjonstenestene i Time kommune

Vil du vera ein sentral pådrivar for utviklinga av helsestasjonstenestene i Time kommune?

Me søkjer ein strategisk og engasjert leiar med mot til å handla og evne til å sjå moglegheiter i samarbeid med andre fagområde.

Du vil leia ei verksemd med jordmorteneste, helsestasjon 0–5 år, skulehelseteneste (barne-, ungdoms- og vidaregåande skule), helsestasjon for ungdom og familiesenter. Fem fagansvarlege koordinerer arbeidet i eigne team, og du vil ha fagleg, administrativt og økonomisk ansvar for tenesta og personalet.

I Time kommune er tverrfagleg samhandling eit fundament i arbeidet med barn, unge og familiar. Helsesjukepleiarane er viktige deltakarar i etablerte lag rundt barn i barnehage og skule. Dette saman med leiinga i desse verksemdene, PPT, barnevern med fleire. Målet er å skapa helsefremjande og inkluderande fellesskap for barn og unge.

Som vår leiar vil du:

• vera nær dei tilsette og leia strategisk med heilskapleg blikk på oppvekstsektoren
• bidra til samskaping og nytenking på tvers av profesjonar
• vidareutvikla etablerte strukturar og kulturar
• ha ei viktig rolle i vidareutvikling av det tverrfaglege samarbeidet for barn og unge i Time

Verksemda har totalt 23 årsverk og er organisert som ei eiga eining i sektoren for barn og familie i Oppvekst. Du rapporterer til barne- og familiesjef, og inngår i ei leiargruppe saman med leiarane for pedagogisk-psykologisk teneste (PPT), barnevern og flyktningteneste.

Stillinga er lokalisert i eigne lokalar nær togstasjon og rådhus.

Arbeidsoppgåver

• Strategisk leiing av tenestene i verksemda i tråd med gjeldande lovverk, strategiplan Oppvekst, kommunale vedtak og målsettingar
• Leia og vera pådrivar for forenkling, forbetring og fornying 
• Samskapa med andre profesjonar i Oppvekst
• Ha personalansvar og budsjettansvar
• Bidra til god dialog og samarbeid internt og eksternt
• Sikra eit godt fag- og arbeidsmiljø
  

Kvalifikasjonar

• Godkjend helsesjukepleiarutdanning.
• Leiarkompetanse - erfaring og/eller utdanning innan leiing er ønskjeleg. Det er ønskeleg med vidareutdanning i leiing, eller at du tar startar opp leiarutdanning innan to år om dette ikkje er del av utdanninga.
  
• Kompetanse knytt til analyse og økonomistyring
• Gode munnlege og skriftlege norskkunnskapar

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• Du er ein tydeleg, synleg og tilgjengeleg leiar som utfordrar, motiverer, støtter og stiller forventningar til dine tilsette
• Du har gode samarbeids- og kommunikasjonevner, er løysingsorientert med tverrfagleg fokus
• Fagleg trygg, engasjert og tydeleg
• Inspirerer og motiverer gjennom god kommunikasjon
• Gode samarbeidsevner, løysingsorientert og heilskapleg tilnærming
• Du er oppdatert, engasjert og interessert i både helse- og oppvekstsektoren som fagfelt
• Det vil bli vektlagt at du er personleg eigna for stillinga
  

Vi tilbyr

• Ei spennande og utfordrande leiarstilling i ein kommune sentralt på Jæren
• Eit godt arbeidsmiljø med engasjerte og fagleg dyktige medarbeidarar
• Ein unik moglegheit til å vera pådrivar ein oppvekstsektor i utvikling
• Stillinga er unntatt arbeidstidsordning og overtidsgodtgjering, som det vert kompensert for med 10 dagar fri
• Konkurransedyktig løn etter avtale
• Gode arbeidsvilkår, pensjons- og forsikringsordningar

 

Der det er lovkrav om det, må politiattest registreres før første arbeidsdag tar til.

 

Kontaktinformasjon

Siri Endresen, Barn- og familiesjef, +47 41437427

Arbeidsstad

Arne Garborgs veg 30
4340 Bryne

Nøkkelinformasjon:

Arbeidsgivar: Time kommune

Referansenr.: 5022663297
Stillingsprosent: 100%
Fast
Søknadsfrist: 09.11.2025