Vi søker etter vegplanleggar

Vil du jobbe hos oss?

Møre og Romsdal fylkeskommune har eit av fylkets største byggherremiljø, og vi har nå behov for å auke kapasiteten vår innan vegplanlegging. Vi står framføre store og spennande regulerings- og utbyggingsoppdrag, og har i tillegg ein hektisk kvardag med forvaltning av eksisterande fylkesvegnett. Som vegplanlegger i Møre og Romsdal fylkeskommune tek du del i eit stort fagmiljø som jobbar for å sikre, betre og trygge framkomme i heile fylket. Vi har ansvar for at både gåande, syklande, køyrande og kollektivreisande skal kome seg trygt fram. Din arbeidskvardag vil innebere planlegging og prosjektering av små og store fylkesvegprosjekt.

Du får jobbe med:

• Modellbasert vegplanlegging
• Tekniske teikningar av veganlegg i alle planfasar
• Prosjektering
• Fagressurs i tverrfagleg prosjektgrupper ved utarbeiding av reguleringsplanar, konkurransegrunnlag, byggeplanar mm.

Vi søker deg som har:

Minimum treårig høgare utdanning innan bygg og miljøteknikk, veg, transport eller geomatikk. Det er en føresetnad at vegfag er tungt representert i fagkretsen. Du har generelt god IKT kompetanse og gjerne erfaring med prosjekteringsverktøy innan BIM/3D som Autocad, Novapoint eller liknande. Det er også positivt om du har tilleggskompetanse innan trafikkteknikk og/eller trafikkberekningar. Du må ha førarkort klasse B.

Vi ønskjer i tillegg at du er:

• Analytisk og strukturert
• Kreativ og initiativrik
• Sjølvstendig og omgjengelege
• God på skriftleg og munnleg framstilling

Vi tilbyr

• ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• løn etter avtale

Om arbeidsplassen

Fylkesvegavdelinga i Møre og Romsdal fylkeskommune har ein seksjon for utbygging, ein seksjon for drift og vedlikehald og ein seksjon for plan og trafikk. Denne stillinga er plassert i seksjon for plan og trafikk.

Seksjon for plan og trafikk vil ha hovudansvaret for planlegging og forvaltning av fylkesvegnettet. I dette ligg blant anna arbeid med trafikksiktryggleik, handsaming av saker etter plan og bygningslova, trafikkteknikk, vegplanlegging og utarbeiding av reguleringsplaner, eigedom og grunnspørsmål, tilstandsregistrering, vegdata og geodataarbeid.

Vi har kontorstad i Kristiansund, Molde og Ålesund. Denne stillinga er plassert i Ålesund, med kontorlokalar plassert sentralt på NMK i Borgunvegen 340. Kontorstad i Kristiansund eller Molde kan vurderast i særskilte tilfelle.

Andre opplysningar

Vi har som mål å spegle mangfaldet i befolkninga.
Alle med kompetansen vi etterspør er velkomne til å søke ledig stilling hos oss.

Søk på stillingen ved å klikke på “Søk på stilling” knappen på denne siden.