Avdelingsleiar Indre Haram heimeteneste

Vi søkjer etter ein engasjert avdelingssjukepleiar som er oppteken av leiing, fagutvikling og kompetanseutvikling i 100% vikariat, i perioda 01.09.25-31.12.25, med moglegheit for forlenging. Arbeidstid er for tida på dagtid med 37,5 t/veke, og med avtale om fleksitid.

Dette er ein fin måte å opparbeide seg leiarerfaring på!

Indre Haram heimeteneste dekkjer indre del av Haram fastland, og har base på Eidet Omsorgssenter i Tennfjord. Det er tett samarbeid på tvers av tenestenivåa og i leiarteamet. Indre Haram heimeteneste er organisert under Haram omsorgstenester, som består av Eidet- og Haram omsorgssenter, Ytre-, Indre- og Nordøyane heimetenstedistrikt og tre dagsenter for eldre. Vi er opptekne av å skape eit godt arbeidsmiljø, der vi legg til rette for at våre tilsette har gode arbeidsvilkår og at brukarane mottek gode tenester.

Kommunalområde helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Vår viktigaste ressurs er våre tilsette og vi ynskjer å være ein arbeidsplass der ein opplever trivsel, utvikling og  meistrar oppgåvene ein er sett til å gjere. Vi veit at framtida vil krevje nye arbeidsformer i kommunalområdet, noko vi arbeider aktivt med å sette oss i stand til å møte på ein god måte.

Haram kommune er opptekne av gode, heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.

Arbeidsoppgåver

• Mellomleiar med ansvar for dagleg og fagleg drift, samt personalansvar
• Leie og utvikle avdelinga i samsvar med vedtekne mål, budsjett, planar og overordna kommunale føringar
• Leie og utvikle avdelinga i samsvar med kommunen sine satsingsområde
• Legge til rette for ein god dialog med brukarar, pårørande og andre delar av tenestetilbodet i kommunen
• Legge til rette for eit godt samarbeid og skape aktive og motiverte tilsette

Kvalifikasjonar

• Bachelor i sjukepleie
• Det er ønskjeleg med erfaring frå heimetenesta
• Erfaring som leiar/ har leiarutdanning, er ønskjeleg men ikkje eit krav
• Beherske norsk som arbeidsspråk, både munnleg og skriftleg
• Personleg egnethet vil bli vektlagt

Personlege eigenskapar

• Vere engasjert i fag og leiing
• Evne til sjølvstendig, målretta, kreativt og innovativt arbeid
• God kjennskap til og forståing for kommunen sine oppgåver
• Løysingsfokus og høg gjennomføringsevne
• Kunne sette deg raskt inn i nye oppgåver
• Gode kommunikasjonsevner
• Evne til å skape tillit, lytte og til å vere til stades
  
• Fleksibel, nytenkande og løysningsorientert
• Evne til å bygge nettverk, gode samarbeidsevner og like å jobbe i team
• Trivast med å jobbe med mennesker og like å veilede andre 

Vi tilbyr

• Fleksitid
• Eit godt og engasjert fagmiljø der vi er opptekne av utvikling og velferdsteknologi
• Eit godt samarbeidsklima i leiarteamet
• Ein meiningsfylt jobb med varierte og utfordrande arbeidsoppgåver i ein framoverlent kommuneorganisasjon
• Løn etter avtale
• God pensjonsordning

Kontaktinformasjon

Ingrid Beate Mathisen, Tenesteleiar, 90751954, ingrid.beate.mathisen@haram.kommune.no

Arbeidsstad

Storgata 20
6270 Brattvåg

Nøkkelinformasjon:

Arbeidsgivar: Haram kommune

Referansenr.: 4992149340
Stillingsprosent: 100%
Vikar
Startdato: 01.09.2025
Søknadsfrist: 03.08.2025