100 % fast undervisningsstilling i norsk, historie og språkfag

Bømlo vidaregåande skule sine 60 tilsette saman med sine 400 elevar arbeider for at trivsel og læring skal gå hand i hand. Lokalitetane er på Leite og i Rubbestadneset, og skulen har utdanningsprogramma: Studiespesialisering, Teknologi- og industrifag inkl. Maritime fag, Elektro- og datateknologi, Naturbruk, Helse- og oppvekstfag og Tilrettelagt opplæring. 

Frå 01.08.2025 har me ledig inntil 100 % fast undervisningsstilling i norsk, historie og i  språkfaga tysk eller spansk. 

Arbeidsoppgåver

Arbeidsoppgåvene vil vera knytt til undervisning og oppfølging av elevar både ved studiespesialiserande og yrkesfaglege programområde. Ein deltar i profesjonsfellesskap og utviklingsarbeid ved skulen. Me søkjer etter ein lærar med god fagleg og pedagogisk kompetanse med evne og vilje til å skape gode læringsarenaer og som blir aktiv del av laget rundt eleven. 

Kvalifikasjonar

Til alle undervisningsstillingar er det krav om relevant fagleg og pedagogisk kompetanse.
Det er ynskjeleg med:

relevant undervisningserfaring

god digital kompetanse

erfaring og kompetanse knytt til undervisning av minoritetsspråklege elevar 

god skriftleg og munnleg framstillingsevne

undervisningskompetanse i fleire av skulen sine fag

Personlege eigenskapar

Du er engasjert og legg til rette for variert undervisning.
Du tek initiativ til samarbeid, men er òg sjølvstendig i eige arbeid.
Du er er målretta, systematisk, kreativ og løysingsorientert.
Du er positiv, initiativrik, engasjert og har gode kommunikasjonsevner.
Du vil skapa gode relasjonar og læringsmiljø saman med andre
Du arbeider i tråd med skulen og fylkeskommunen sine mål og strategiar.
Det vert lagt stor vekt på personlege eigenskapar ved tilsetjing.
 

Vi tilbyr

Eit inkluderande fagsamarbeid
Gode høve til eiga læring og utvikling 
Løn og lønsutvikling i tråd med tariffavtalen og Vestland fylkeskommune sin lønspolitikk
Gode forsikrings- og pensjonsordningar

Kontaktinformasjon

Linda Aga Legøy, Avdelingsleiar, +47 47906461

Arbeidsstad

Leitedåvane 8
5430 Bremnes

Nøkkelinformasjon:

Arbeidsgivar: Vestland fylkeskommune

Referansenr.: 4983045498
Stillingsprosent: 100%
Fast
Søknadsfrist: 19.06.2025