Tannlegespesialist i endodonti

Det er ledig 40 % fast stilling som spesialist i endodont ved Tannhelsetenesta Kompetansesenter Vestland (TkVestland)

Har du lyst til å bli del av eit stort og spennande fagmiljø? Då er TK Vestland noko for deg!
TK Vestland er eitt av fem regionale kompetansesenter i Noreg, og vi tilbyr spesialisttannhelsetenester til befolkninga i Vestland. Praksisnær forsking er høgt prioritert hos oss, og eit sentralt mål er at resultata skal kome både tannhelsetenesta og pasientane til gode.
Vi utfører undersøking og behandling av pasientar som er tilvist frå offentlege og private tannklinikkar. I tillegg driv vi utadretta verksemd gjennom rådgjeving, kurs og hospitering for tannhelsepersonell.
Spesialistklinikken ved TK Vestland i Årstadveien 19 har 11 moderne behandlingsrom, og vi har òg ein klinikk ved Haukeland sjukehus. Totalt er vi rundt 40 tilsette, med spesialistar innan alle odontologiske fagområde.

Arbeidsoppgåver

Som spesialist i endodonti ved kompetansesenteret arbeider du med pasientar som er tilvist for vurdering og behandling hos spesialist. Mange av desse pasientane har behov for tverrfagleg vurdering og behandling i samarbeid med fleire tannlegespesialistar, og du vil ha ei sentral rolle i dette arbeidet.
Arbeidsoppgåvene omfattar òg deltaking i utadretta verksemd, som kurs og andre kompetansehevande tiltak. Dette kan til dømes vere rettleiing og tilråding av kollegaer i tannhelsetenesta, med mål om å styrke fagleg utvikling og kvalitet i behandlingstilbodet. Tannbehandling i narkose kan verte aktuelt.

Kvalifikasjonar

Søkjar må ha norsk godkjenning som spesialist i endodonti.
Det er ynskjeleg med relevant arbeidserfaring som spesialist.
God evne til formidling.
Søkjar må beherske norsk skriftleg og munnleg.
Den som skal tilsetjast i tannhelsetenesta må leggje fram politiattest.

Personlege eigenskapar

Vi søkjer ein sjølvstendig, ansvarsbevisst og initiativrik medarbeidar med gode samarbeidsevner, som trivst i eit tverrfagleg miljø. Personleg eigenskap, evne og vilje til å arbeide i team vil bli vektlagt ved tilsetting.
Du likar å arbeide med menneske og har alltid pasienten i fokus. Du kan samhandle med ulike pasientgrupper, kommuniserer godt og har evne til å skapa gode relasjonar til pasientar, pårørande, kollegaer og andre samarbeidspartnarar.
Du trivst med å jobbe i team og bidreg aktivt til å skape eit godt arbeidsmiljø. Samstundes arbeider du systematisk, strukturert og planmessig for å nå måla våre.
Du er nysgjerrig og engasjert i fagleg utvikling, og du deler gjerne kompetansen din med andre for å styrke fellesskapet og kvaliteten i tenesta.

Det vert vektlagt erfaring med generell endodonti, endodontisk kirurgi og arbeid i eit tverrfagleg miljø.

Vi tilbyr

Løn etter avtale.
Gode forsikrings- og pensjonsordningar.
Ein spennande og utfordrande jobb.
Gode mogelegheiter for fagleg utvikling.

Kontaktinformasjon

Martha Sørensen, områdeleiar tannhelse, 98012834, martha.sorensen@Vlfk.no
Marita Bjørkelund, Klinikkleiar, 97592838, marita.bjorkelund@vlfk.no

Arbeidsstad

Årstadveien 19
5009 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5046149151
Søknadsfrist: 11.12.2025