Operatørar Rigg & Service, med og utan fagbrev

Vil du jobbe med skipsbygging i eit engasjert team? 
Ulstein Verft er inne i ei spanande fase med fleire signerte kontrakter på både nybygg og ettermarkedsoppdrag. Vi gler oss over ein langsiktig og stabil horisont med mykje aktivitet, og treng difor fleire operatørar og hjelpearbeidarar i teamet vårt. 

Vi er på jakt etter deg med interesse for skipsbygging og skipsoppgradering. Hos oss vert du utfordra gjennom nye oppgåver og vi lærer av kvarandre for at jobben vi gjer skal bli best mogleg.

Personleg utvikling er viktig for trivsel, så om du ikkje har alle kvalifikasjonane vi er ute etter, vert du likevel oppmoda om å søkje.

Korleis er det å jobbe i Ulstein Verft?
Det å jobbe på eit skipsverft er sosialt og lærerikt. Arbeidsdagen er prega av spanande og utfordrande oppgåver som skal løysast og du vil jobbe i lag med mange dyktige kollegaer. Vi har gode produksjonsfasilitetar der arbeidet i all hovudsak foregår innandørs i vår utrustnings- og dokkhall. Det er ei god kjensle å vere ein del av eit over 100 år gamalt selskap forbunden med kvalitet, påliteligheit og leveringspresisjon. 

 

Oppgåver du vil jobbe med

Arbeidsoppgåvene er varierte, og kan blandt anna innebere:

• Stilasbygging
• Køyring av kran
• Intern transport
• Inn- og utdokking av skip
• Halde orden på anlegg og prosjekt under arbeid

Kunnskap og erfaring som gjer jobben lettare

Mange av våre tilsette ved avdelinga har fagbrev som riggar. Manglar du fagbrev? Vi kan vere behjelpeleg med å få tatt dette hos oss. 

Mange av oppgåvene som skal løysast krev praktisk og teknisk forståing. Vi er ute etter deg med kurs som maskinførar M4, og det vil vere nyttig med krankurs G3 og G4,  teleskoptruck C1 og C2, truckførarbevis T4 og godkjent stilasbyggjar over 9 meter.  Har du ikkje dette, vil vi vere behjelpeleg med naudsynt opplæring. Det vil også vere nødvendig å kunne kommunisere på norsk og/eller engelsk slik at vi kan diskutere og løyse oppgåvene våre.

Lagånda står sterkt i Ulstein og saman skal vi hjelpe kvarandre og kundane våre og gjere Ulstein til ein trygg og kjekk arbeidsplass. Med godt humør og vilje til å bidra vil du passe godt inn hos oss.

Kvifor velje Ulsten som arbeidsplass

Ulstein Verft byr på variert jobb, gode kollegaer og moglegheit for personleg utvikling. Ulstein er ein trygg arbeidsplass med gode HMS verdiar, gode forsikrings- og pensjonsordnignar og fleksitidsavtale for våre tilsette. 

I hjartet av Sunnmøre

Om du treng å flytte for å jobbe i Ulstein, så er Ulsteinvik og kommunene rundt ein flott plass å bu i hjartet av Sunnmøre. Det er kort veg til kino, konsertar, badeland, klivrehall, restaurantar og butikkar. Omkransa av fjell og turterreng til fots, på sykkel eller ski. Og berre ein liten times reise til bylivet i Ålesund eller naturopplevingar i Sunnmørsalpane

Kontaktinformasjon

John Hatløy, Arbeidsleiar, 99437058, john.hatloy@ulstein.com
Stig Slettebakk, Department Manager Outfitting & Steel, 91 58 10 13, stig_b.slettebakk@ulstein.com

Arbeidsstad

Osnesvegen 110
6065 Ulsteinvik

Nøkkelinformasjon:

Arbeidsgivar: Ulstein Verft AS

Referansenr.: 4731906065
Stillingsprosent: 100%
Fast
Søknadsfrist: 07.12.2023