Klinisk ernæringsfysiolog

Fast stilling som klinisk ernæringsfysiolog ved Mage-tarmskulen.

Seksjon for klinisk ernæring ved Haukeland universitetssjukehus søker engasjert og fagleg sterk klinisk ernæringsfysiolog til 100% fast stilling ved Mage-tarmskulen. Dette er ein unik moglegheit til å bli ein del av eit stort og fagleg sterkt ernæringsmiljø.

Mage-tarmskulen er eit nasjonalt digitalt behandlingstilbod for pasientar med irritabel tarmsyndrom. Tilbodet er mellom dei aller første digitale behandlingstilboda i somatikken og er i kontinuerleg utvikling. Mage-tarmskulen er tverrfageleg. Klinisk ernæringsfysiologar har sentrale roller i drift og utvikling av tenesten. Mage-tarmskulen er organisert under fleire seksjonar i Medisinsk klinikk, med eit hovudansvar lagt til Seksjon for klinisk ernæring. Mage-tarmskulen har i dag 3,0 årsverk klinisk ernæringsfysiolog fordelt på eit team av fem kliniske ernæringsfysiologar.

Den utlyste stillinga er ei 100% fast stilling med oppstart frå januar/februar 26. Arbeidet vil i primært vera knytt til magetarmskulen, men kan i periodar også vera knytt til oppgåver ved Seksjon for klinisk ernæring.

Arbeidsoppgåver

• Rettleiing og behandling av pasientar i Mage-tarmskulen
• Utvikling og forbetring av Mage-tarmskulen
• Prosjektkoordinering
• Dataanalyse og rapporteringsarbeid
  
• Tverrfagleg samarbeid med andre yrkesgrupper
  
• Undervisning og rettleiing av pasientar og pårørande
  
• Utdanning av studentar og anna helsepersonell
• Ernæringsutgreiing og -behandling av pasientar tilvist til seksjonen

Kvalifikasjonar

• Autorisasjon som klinisk ernæringsfysiolog
  
• Erfaring frå digital behandling eller Magetramskulen blir vektlagt
  
• Erfaring med innovasjonsarbeid, prosjektleiing/koordinering  og kvalitetsutvikling blir vektlagt
  
• Erfaring med databehandling og statestikk er ønskeleg
  
• Gode digitale ferdigheiter
  
• Erfaring frå sjukehus eller spesialisthelsetenesta
  
• Gode norskkunnskapar, både munnleg og skriftleg er ein føresetnad
  
• Kjennskap til DIPS Arena og MEONA er ein fordel

Personlege eigenskapar

Vi ser etter deg som

• Er sjølvstendig, strukturert og fagleg engasjert
  
• Trivst i ein innovativt miljø i utvikling
  
• Har god forståing for prioritering og tidsbruk, og evnar å fordele innsatsen slik at ulike arbeidsoppgåver blir løyst innanfor rimelege tidsrammer
  
• Har gode samarbeidsevner og trivst i pasientkontakt
  
• Er løysingsorientert og utviklingsvillig
  
• Bidrar til eit godt arbeidsmiljø

Vi tilbyr

• Eit sterkt og inkluderande fagmiljø
• Varierte og utviklande arbeidsoppgåver
  
• Løn etter gjeldande overeinskomst
  
• Gode pensjons- og forsikringsordningar
  
• Aktivt bedriftsidrettslag og godt sosialt miljø

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Linn Anja Slåke Vikøren, Seksjonsleiar, 98298303

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5046512190
Stillingsprosent: 100%
Fast
Startdato: 01.02.2026
Søknadsfrist: 10.12.2025