Overlege i medisinsk biokjemi

Ønskjer du ein legejobb der du i stor grad styrer din eigen arbeidskvardag, med høve til fordjuping i ulike medisinske problemstillingar? Som overlege hos oss får du ein unik sjanse til å bidra til diagnostikk, forsking og utvikling innan eit fagfelt i stadig endring.

Avdeling for medisinsk biokjemi og farmakologi (MBF) tilbyr eit breitt spekter av diagnostiske tenester som dekkjer alle fagområde innan medisinsk biokjemi. Avdelinga rommar Hormonlaboratoriet som er ein av to spesiallaboratorier for hormonanalysar i Noreg.  

Avdelinga har tre legegrupper: Hormonlaboratoriet si legegruppe, Seksjon for medisinsk biokjemi og Seksjon for klinisk farmakologi. Stillinga er knytt til Hormonlaboratoriet si legegruppe, som i dag har 2,7 overlegestillingar og tre LIS.

Totalt har avdelinga om lag 350 tilsette, fordelt på legegruppene, 12 analytiske seksjonar, ei kvalitetsgruppe, IT-gruppe og stabsfunksjonar. Som lege hos oss vil du ha arbeidsstad i Laboratoriebygget ved Haukeland universitetssjukehus.

Arbeidsoppgåver

• Bidra til å utvikle analysetilbodet ved laboratoriet, inkludert metodeutvikling og etablering av nye analysar
• Arbeide for riktig bruk av laboratoriet sine analysar
• Gjennomføre oppgåver knytt til akkreditering og kvalitetssikring, inkludert arbeid med referansegrenser og kvalitetsutvikling
• Rettleie LIS
• Delta i vaktordning på dagtid (kl. 08–16)
• Vurdere og kommentere analysesvar
• Rådgiving og rettleiing til rekvirerande legar og andre fagpersonar
• Moglegheit for fordjuping og forsking innan avdelinga si verksemd
• Bidra med undervisning av tilsette i avdelinga

Kvalifikasjonar

• Norsk autorisasjon og spesialistgodkjenning i medisinsk biokjemi. Søkjarar som er i sluttfasen av spesialiseringa kan òg søkje
• Erfaring med validering av eigenutvikla metodar blir vektlagt
• Kjennskap til programmering i Python og/eller R kan bli vektlagt
• Erfaring innan laboratorieendokrinologi vil bli vektlagd
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad 
• God evne til skriftleg dokumentasjon
• Søkjar bør kunne utarbeide skriftleg informasjon på nynorsk

Personlege eigenskapar

• Du har interesse og motivasjon for fagfeltet medisinsk biokjemi generelt og laboratorieendokrinologi spesielt
• Du tek initiativ til forbetring og utvikling i avdelinga
• Du har god fagleg vurderingsevne og arbeider strukturert og målretta
• Du kommuniserer tydeleg og forståeleg med kollegaer og samarbeidspartnarar
• Du etablerer gode samarbeidsrelasjonar med alle nødvendige yrkesgrupper
• Du har oversikt over eigne oppgåver og klarer å prioritere mellom dei
• Du kan følgje opp delegerte oppgåver

Vi tilbyr

• Løn i samsvar med gjeldande overeinskomst mellom Helse Bergen og Den norske legeforeining
• Fagleg utvikling og høve til fordjuping og forsking innan laboratorieendokrinologi
• Triveleg og tverrfagleg arbeidsmiljø
• Høgt fagleg nivå
• Rikhaldig bedriftsidrettstilbod
• Konkurransedyktig pensjonsordning
• Yrkesskadeforsikring, gruppelivsforsikring og tenestereiseforsikring

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Kristin Viste, Seksjonsoverlege, 55977812, kristin.viste@helse-bergen.no
Hege Hoff Skavøy, Avdelingssjef, 55974397

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5057867471
Stillingsprosent: 100%
Fast
Søknadsfrist: 01.02.2026