100 % fast stilling som reinhaldar

Er du ein person som trivst med å gjera ein viktig jobb som betyr noko for mange? Likar du å arbeide både sjølvstendig og saman med andre, og set pris på orden og kvalitet i arbeidet ditt? Då kan dette vere jobben for deg!

Årdal kommune søkjer no ein positiv, påliteleg og fleksibel reinhaldar til ei fast heiltidsstilling i reinhaldsavdelinga vår.

Som reinhaldar hjå oss vert du ein del av eit fagleg dyktig og inkluderande arbeidsmiljø, der me samarbeider tett for å levera gode tenester til innbyggjarane i kommunen. Reinhaldsarbeidet er ein føresetnad for god drift i barnehagar, skular og andre kommunale bygg – og bidreg direkte til trivsel, helse og tryggleik.

Reinhaldsavdelinga har ansvar for reingjering av Årdal kommune sine eigne bygg og eventuelle andre bygg kommunen nyttar i si tenesteproduksjon.

Du vil:

• utføra reinhald etter gjeldande reinhaldsplanar
• bidra til god kvalitet og effektiv gjennomføring av arbeidsoppgåvene
• arbeida både sjølvstendig og saman med andre

• Fagbrev som reinhaldar er ein fordel, men relevant erfaring kan kompensere for manglande fagbrev
• Førarkort klasse B er påkrevd

Me legg stor vekt på personlege eigenskapar og søkjer deg som:

• er allsidig, fleksibel og ansvarsbevisst
• kan arbeida strukturert og sjølvstendig
• har gode samarbeidsevner og bidreg til eit godt arbeidsmiljø
• har ei serviceinnstilt haldning og kommuniserer godt med «kundar»

• Ein trygg og meiningsfull arbeidsplass i ein viktig samfunnsfunksjon
• Løn etter gjeldande tariffavtale (reinhaldar eller fagarbeidar)
• Eit godt og inkluderande arbeidsmiljø med dyktige kollegaer
• Gode pensjons- og forsikringsordningar
• Tilgang til bedriftshytte på Skeikampen

Andre opplysningar:

- Den statlege ordninga med sletting av studiegjeld med 25.000kr i året gjeld for deg som har bustadadresse i Årdal kommune. Sjå Lånekassen.no for meir informasjon om kvalifisering.

- Me gjer merksam på at ifølgje offentleglova §25, 2. ledd kan opplysningar om søkjaren bli offentleggjort, sjølv om du har oppmoda om å ikkje bli ført opp på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

- Alle nytilsetjingar vert gjort med ei prøvetid på 6 månader.

- For stillingar der det etter lov eller forskrift vert stilt spesielle krav til politiattest, skal det leggjast fram før tilsetjing.