Økonomiansvarleg

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis.

Vi har ein unik kompetanse, tilbyr spesialistbehandling og driv fagleg utvikling og forsking. Gjennom vårt førebyggjande arbeid, forsking og behandling legg vi grunnlaget for god folkehelse i Vestland. Vi er om lag 550 tilsette fordelt på 55 tannklinikkar, ein intern fagstab og vårt kompetansesenter, TkVestland.

Vi søkjer økonomiansvarleg / senior økonomirådgjevar med overordna ansvar for økonomistyring, analyse og utviklingsarbeid innan økonomiområdet i avdelinga. I denne rolla får du arbeide tett på leiinga og bidra med relevant styringsinformasjon og gode beslutningsgrunnlag.  Stillinga kombinerer strategisk rådgjeving med operativ økonomioppfølging. 

Du rapporterer til stabsleiar og inngår i ein tverrfagleg stab med høg kompetanse der du vil spele ei sentral rolle med å støtte leiinga med analysar, styringsinformasjon og vidare utvikling av økonomiområdet. Dette er ei rolle for deg som ønsker å bidra til profesjonell drift, gode beslutningsgrunnlag og kontinuerleg forbetring.  

 

Om stillinga

Som økonomiansvarleg vil du mellom anna: 

• ha overordna ansvar for økonomioppfølging og samordning i dei geografiske tannhelseområda og tannhelsetenesta samla.
  
• utarbeide årleg budsjett, og gjennomføre budsjettoppfølging og reguleringar i samarbeid med leiinga.
  
• bidra til vidareutvikling av prosessar, system og verktøy for verksemds- og økonomistyring.
  
• ivareta og vidareutvikle aktivitetar knytt til internkontroll og forsvarleg forvaltning.
  
• støtte og bidra i innkjøpsprosessar i samarbeid med relevante fagmiljø.
  
• ha eit fagleg oppfølgingsansvar for økonomimedarbeidarane i tannhelsetenesta.
  
• sikre kompetanseutvikling og intern fagleg opplæring innan økonomiområdet.
  

Kvalifikasjonar

• Høgare utdanning på universitets- eller høgskulenivå, fortrinnsvis mastergrad innan økonomi, samfunnsøkonomi, finans eller rekneskap. Kravet om mastergrad kan fråvikast ved annan relevant utdanning kombinert med solid og lang erfaring. Då vert stillinga plassert i anna stillingsnemning.
• Minimum 5 års relevant erfaring frå økonomi‑ og budsjettarbeid.
  
• Solid økonomi‑ og budsjettforståing, med evne til å arbeide analytisk og omsetje tal til styringsinformasjon.
• Erfaring frå fagleg leiing innan økonomiområdet
• Gode munnlege og skriftlege framstillingsevner på norsk. 

Det er ønskjeleg at du har:

• erfaring frå liknande rolle i offentleg sektor, gjerne innan verksemdsstyring eller større tenesteområde
  
• god kjennskap til Visma økonomi‑ og HR‑system og Framsikt
  
• erfaring med analyse, prognosearbeid og rapportering til leiing
• med evne til å formidle økonomifaglege problemstillingar til leiing og fagmiljø.

Personlege eigenskapar

Vi ser etter deg som er : 

• analytisk og strukturert, med evne til å omsetje komplekse tal og samanhengar til gode vurderingar og råd.
• samarbeidsorientert og tillitskapande, og bygger gode relasjonar på tvers av fagmiljø og nivå.
  
• sjølvstendig og initiativrik, og evnar ha eit heilskapeleg og overordna blikk på fagområdet. 
• målretta og har god gjennomføringsevne.

 

Vi tilbyr

• Arbeid med eit viktig samfunnsoppdrag saman med engasjerte kollegaer. 
  
• Fleksibel arbeidstid
  
• Gode offentlege pensjons- og forsikringsvilkår
  
• Løn og lønsutvikling i tråd med Vestland fylkeskommune sin lønspolitikk

Kontaktinformasjon

Mette Karin Fauskanger, Fylkestannhelsesjef, +47 92832296

Arbeidsstad

Lars Hilles gate 22
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5104096671
Stillingsprosent: 100%
Fast
Søknadsfrist: 15.04.2026