Energimontør eller elektrikar med fagbrev

Vil du vere med å byggje fornybar energi saman med ein framoverlent og erfaren organisasjon?

Hywer opplever auka oppdragsmengde og søkjer etter ein energimontør eller elektrikar til vår elektroavdeling.

Hywer er leiande på utvikling av berekraftige løysingar til vasskraftbransjen. Vi leverer komponentar og utstyr til nokre av dei største vasskraftprosjekta i landet, og har i tillegg fleire kraftverk under bygging.

Vi ser etter deg som er energimontør eller elektrikar med fagbrev. Du blir ein viktig del av den vidare oppbygginga av elektroavdelinga til Hywer der målet er å auke eigenproduksjon og utvikle ein solid fagleg organisasjon som kan bidra til heile bredda i vår virksomheit. Du vil og spele ei sentral rolle i å sikre kvalitet, sikkerheit og lønsam gjennomføring av våre prosjekt.

Vi har eit unikt og breitt fagmiljø med kompetanse innan design, produktutvikling, prosjektleiing, montasje, innkjøp og logistikk -- både innan mekaniske fag, byggfag og elektro. Med totalansvar for komplette vasskraftanlegg og komponentleveringar har vi stor moglegheit til påverknad og direkte læring frå prosjekt til prosjekt.

Hos oss får du ein variert, utviklande og meiningsfull kvardag -- saman med gode kollegaer.

Vi ønskjer deg som vil vere med på laget og forme vegen vidare.

Arbeidsoppgåver

• Installasjon, vedlikehald og service innan industri, kraftverk og andre energi- og elektrotekniske anlegg.

• Høg- og lavspent arbeid.

• Fiber og kontrollanlegg.

• Rehabilitering og oppgraderingsprosjekt.

• Deltakelse i planlegging, gjennomføring og dokumentasjon av oppdrag.

• Bidra aktivt til vidare oppbygging av elektroavdelinga.

• Representere Hywer ute hos kundar og samarbeidspartnarar.

Kvalifikasjonar

• Fagbrev som energimontør eller elektrikar.

• Erfaring fra industri, service, kraftstasjonar eller tilsvarande.

• Evne til å ta ansvar og være ein positiv bidragsytar i miljøet.

• Vilje til å ta ansvar, stå i utfordringar og lære nye ting.

• Fleksibilitet og gjennomføringsevne.

• Førerkort klasse B

Vi tilbyr:

• Eit sterkt og inkluderande fagmiljø med gode utviklingsmoglegheiter

• Konkurransedyktige vilkår, samt gode pensjons og forsikringsordningar.

• Moglegheit for sterk personleg og fagleg utvikling, moglegheit for fleire fagbrev.

• Tjenestebil etter avtale

Arbeidsstad : Prosjekt over heile landet. Reising må påreknast!