Har du eit stort fagleg engasjement, og ynskjer å jobbe med tilrettelegging og utvikling av andre si læring innan fagområdet ditt? Ørsta vidaregåande skule har no ledig 100% lærarstilling innan bygg- og anleggsteknikk. Som lærar hos oss vert du del av eit variert og spennande fellesskap med mange engasjerte fagfolk som brenn for fagleg utvikling, og for at alle elevane våre skal få grunnlaget dei treng for å kome seg i gong i arbeidslivet. 

Arbeidsoppgåver

Stillinga er primært knytt til undervisning innan bygg- og anleggsteknikk, og vil i utgangspunktet vere knytt til denne avdelinga. Avdelinga er spesielt ute etter kompetanse innan røyrleggarfaget, ventilasjonsfaget eller anleggsteknikk/grunnarbeid. Søkarar med kompetanse innan andre områder relevant for programområdet kan også vere aktuelle.

Skulen har eit sterkt og godt fagmiljø som den som blir tilsett vil bli ein del av. Vi forventar at lærarar hos oss deltek aktivt i vidare utvikling av fagmiljøet, og bidreg på eige initiativ inn mot arbeidet. Dette inneber utstrakt samarbeid med andre, både internt og eksternt mot aktuelt arbeidsliv og andre samarbeidspartar. 

Skulen er svært opptatt av at alle elevane våre skal ha eit godt og trygt læringsmiljø, og utvikle seg som fagpersonar innan aktuelle yrkesfaglege område. Det å tilrette for eleven si utvikling og læring er eit meiningsfullt og gjevande arbeid. Som kollega ved Ørsta vidaregåande skule vil du verte del av eit arbeidsfellesskap med stor og komplementær kompetanse innan fagleg- pedagogisk arbeid, og som du får dra nytte av i eiga utvikling som lærar. Som del av arbeidet vil du også kunne få oppgåver som å vere kontaktlærar, og det kan også vere aktuelt at ein tek ansvar for ekstra tilrettelegging for elevar med særskilde behov for det. 

Kvalifikasjonar

Vi søker deg som har pedagogisk utdanning, relevant fagbrev og utdanning på fag- eller høgskulenivå. Vi er spesielt interessert i personar med kompetanse innan røyrleggarfaget, ventilasjonsfaget eller anleggsteknikk/grunnarbeid, men det kan også vere aktuelt med andre utdanningar relevant for fagområdet, som til dømes treteknikk eller tømrar. 

Kandidatar som manglar pedagogisk utdanning og/eller utdanning på høgskulenivå oppmodast likevel til å søke då vi tilbyr gode ordningar for vidareutdanning.

Personlege eigenskapar

Vi set personlege eigenskapar høgt når vi tilset nytt personale ved skulen. Du må vere omgjengelig, sjølvstendig, ha gode
samarbeidseigenskapar, og som har høge ambisjonar på vegne av elevane. Du må trivast saman med ungdom og vere ein trygg og tydeleg vaksen, som framstår som ein god rollemodell for framtidige fagarbeidarar. Du må vere ein tydeleg leiar i klasserommet som evnar å bygge gode relasjonar til elevar og mellom elevane.

Vi tilbyr

 Stor satsing på arbeidsgjevarpolitikk med tiltak for vekst og utvikling
- Eit spennande, godt og variert arbeidsmiljø som du blir ein del av, med faglege og personlege utfordringar 
- Medlemskap i SPK 
- Løn etter gjeldande avtaleverk

 

 

 

 

 

 

Kontaktinformasjon

Odd Erik Engetrøen, Avdelingsleiar BA, 97084148
Bjørnar Sæterås, Rektor, +47 47344491

Arbeidsstad

Holmegata 14
6153 ØRSTA

Nøkkelinformasjon:

Arbeidsgivar: Møre og Romsdal fylkeskommune

Referansenr.: 4956245847
Stillingsprosent: 100%
Fast
Søknadsfrist: 11.05.2025