Personalmedarbeidar innan arbeidstid og ressursstyring

Stad kommune har ledig 100 % fast stilling som personalmedarbeidar primært innan arbeidstid og ressursstyring frå 01.10.2026 eller etter avtale. Stillinga er plassert i stabseining for personal og kommunikasjon.

Stabseining for personal og kommunikasjon skal legge til rette for gode organisasjons- og personalprosessar, god dokumentforvaltning og god informasjon og kommunikasjon internt i organisasjonen og ut mot innbyggjarane.

Eininga har ansvar for oppgåver i samband med løns-, personal- og arbeidsgjevarfunksjonane og skal støtte og legge til rette for einingane i Stad kommune. Eininga har også ansvar for post- og arkivfunksjonane inkludert dokumentforvaltning i fleire av fagsystema i kommunen. Vi skal også legge til rette for auka digitalisering av tenester. Eininga har vidare ansvaret for sentralbordet i Stad kommune og publikumsfunksjonar i Stad rådhus. Eininga legg til rette for og koordinerer politiske møte, valgjennomføring, rekruttering, informasjon og kommunikasjon og bidreg til å gjennomføre ulike arrangement i regi av kommunen.

Vi treng no å styrke oppgåvegjennomføringa knytt til arbeidstid og ressursstyring. Den som vert tilsett kan få oppmøtestad på Nordfjordeid eller i Selje. I ein opplæringsfase vil det vere nødvendig med oppmøtestad på Nordfjordeid.

Arbeidsoppgåver

• Koordinator for tverrfagleg arbeidsgruppe innan arbeidstid og ressursstyring
• Systemansvar for fagsystemet Tieto Lifecare (RS)
• Rådgjevar i turnusrelaterte saker og saker som omhandlar arbeidstid i heile organisasjonen
• Medverke til god opplæring i arbeidstidsreglar og turnusarbeid
• Koordinator for lærlingsatsinga i kommunen og arbeid for å få vaksne til å utdanne seg som fagarbeidar 
• Bidra til å utvikle og forbetre rutinar og reglement på personalområdet
• Anna arbeid og saksbehandling på personalområdet etter avtale og intern fordeling
  

Kvalifikasjonar

• Relevant utdanning frå høgskule eller universitet
• Gjerne relevant vidareutdanning innan til dømes personal, hms, jus, digitalisering
• Dokumentert erfaring og gode resultat kan vege opp for utdanningskravet
• God kjennskap til lov- og avtaleverket som hovudtariffavtalen, arbeidsmiljølova og ulike særavtaler i kommunal sektor
• Kunnskap og erfaring frå fagsystem som Tieto Lifecare, Acos websak, Visma Enterprise, Webcruiter og Compilo
• Erfaring som leiar eller medarbeidar med ansvar for turnusplanlegging og oppfølging av arbeidstidssystem vil vere positivt
• Gjerne kunnskap og erfaring med prosjekt- og prosessleiing og opplæring
• Gode skriftlege og munnlege norskkunnskapar er nødvendig i denne stillinga

Personlege eigenskapar

• Evne til å organisere og koordinere arbeidsoppgåver og følge fristar
• Evne til å setje seg inn i nye fagsystem og ulikt regelverk
• Evne til å takle mange og krevjande arbeidsoppgåver
• Evne til å arbeide sjølvstendig men også i team
• Gode samarbeids- og kommunikasjonsevner
• Nøyaktig og tek initiativ til forbetringsarbeid
• Bidrar positivt i arbeidsmiljøet

Vi tilbyr

• Eit godt fag- og arbeidsmiljø og varierte oppgåver
  
• Løn etter kommunalt avtaleverk
• Gode pensjons- og forsikringsordningar
• Høve til kompetanseheving og vidareutvikling
• Flyttegodtgjersle

For stillingskode som rådgjevar med personleg løn vert det stilt krav om relevant utdanning på masternivå. Søkjarar med 3-årig høgskuleutdanning vil bli plassert i kode spesialkonsulent med løn etter tariff.

Kandidatar utan høgskuleutdanning kan også søkje, men for å bli vurdert er det nødvendig med dokumentert erfaring og resultat frå liknande stilling og arbeidsoppgåver. Særleg relevant er god kjennskap til lov- og avtaleverket, turnusarbeid og Tieto Lifecare (RS).

Vi ber om at du lastar opp attestar og vitnemål saman med søknaden. Vi ber om referansar av nyare dato. Stad kommune har seks månader prøvetid.

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast. For nærare informasjon om stillinga kan du ta kontakt med stabsleiar personal og kommunikasjon Ingunn Rotihaug.

Kontaktinformasjon

Ingunn Rotihaug, Stabsleiar personal og kommunikasjon, +47 970 01 087

Arbeidsstad

Rådhusvegen 11
6770 Nordfjordeid

Nøkkelinformasjon:

Arbeidsgivar: Stad kommune

Referansenr.: 5117104844
Stillingsprosent: 100%
Fast
Startdato: 01.09.2026
Søknadsfrist: 26.07.2026