Dagleg leiar – Stødt Bar & Scene

Vil du ha ei sentral rolle i eit levande kultur- og utelivsmiljø?

Stødt Bar & Scene søkjer ein engasjert og sjølvstendig dagleg leiar i 100 % fast stilling.

Stødt Bar & Scene har ei sterk lokal forankring og er ein viktig møteplass for musikk, kultur og sosialt fellesskap i Ørsta. Verksemda samarbeider tett med lokalt kulturliv, ideelle organisasjonar og frivillige krefter.

Som dagleg leiar får du ei sentral rolle i den vidare utviklinga av Stødt. Du får det overordna ansvaret for drift, økonomi, personaloppfølging og arrangement. Du samarbeider med og rapporterer til styret i Stødt AS.

Arbeidsoppgåver

• Overordna ansvar for den daglege drifta av Stødt Bar & Scene.

• Vertskap, kundeservice og servering.

• Planlegging, koordinering og gjennomføring av arrangement.

• Oppfølging og koordinering av medarbeidarar på timebasis.

• Økonomioppfølging, budsjettering og rapportering til styret.

• Marknadsføring, profilering og kommunikasjon.

• Samarbeid med artistar, leverandørar, organisasjonar og andre samarbeidspartnarar.

• Vidareutvikling av aktivitetar og tilbod ved Stødt.

Om stillinga

Dagleg leiar har det overordna ansvaret for den daglege drifta av Stødt, inkludert økonomi, personaloppfølging og arrangementsverksemd. Stillinga kombinerer administrative oppgåver med arbeid i den daglege drifta i opningstida. Du leier og koordinerer medarbeidarar på timebasis og samarbeider tett med aktørar i det lokale kulturlivet, samt styret i Stødt AS.

Arbeidstida er variert og følgjer i stor grad opningstider og arrangement, med arbeid på ettermiddag, kveld og i helger.

Kvalifikasjonar

Vi ønskjer at du har:

• Erfaring frå leiing, drift eller arrangementsverksemd.

• God økonomisk forståing og evne til å arbeide strukturert.

• Erfaring frå eller interesse for kultur, musikk og uteliv.

• Gode kommunikasjons- og samarbeidsevner.

• Gjerne erfaring frå servering, bar, restaurant eller reiseliv.

• Erfaring med, eller interesse for, matlaging og enkel matservering er ein fordel.

• Den som blir tilsett må oppfylle krava som skal til for å kunne godkjennast som styrar forskjenkeløyvet. (Skjenkeprøve, vandelssjekk m.m.)

Relevant erfaring kan kompensere for formell utdanning.

Personlege eigenskapar

Vi ser etter deg som:

• Er sjølvstendig, initiativrik og løysingsorientert.

• Har gode leiareigenskapar og evne til å motivere andre.

• Er serviceinnstilt og likar å møte menneske.

• Er fleksibel og trivst med ein variert arbeidskvardag.

• Tek ansvar og har god gjennomføringsevne.

• Byggjer gode relasjonar og trivst med å samarbeide med lokale aktørar.

• Kommuniserer godt på norsk, munnleg og skriftleg.

Vi tilbyr

• Ei spennande og variert leiarstilling.

• Moglegheit til å påverke og vidareutvikle ein etablert kultur- og møteplass.

• Stor grad av sjølvstende og ansvar.

• Ein arbeidskvardag tett på kulturliv, menneske og aktivitetar i lokalsamfunnet.

**Søknadsfrist:**Snarast. Vurdering av aktuelle kandidatar skjer fortløpande.

Søknad med CV sendast til styret i Stødt AS v/styreleiar Vidar Johan Vartdal.

Referansar vert nytta.

www.stodt.no

Velkomen som søkjar!