Ein av våre legar skal ha permisjon i eit år og det er difor ledig 80 % vikariat frå 01.08.25. Stillinga er delt mellom 50 % på helsestasjon og 30 % på sjukeheim. Det er ikkje plikt til legevakt i denne stillinga, men dersom du er kvalifisert og har ønske om det, kan du ha høve til å ta legevakter ved Søre Sunnmøre legevakt.

Søre Sunnmøre legevakt er eit interkommunalt legevaktssamarbeid på kveld/helg/høgtid. Det er alltid sjukepleiar på jobb saman med legevaktslege. Legevakta har også eigen legevaktbil med ambulansearbeidar, som gjer legevaktsarbeidet meir mobilt. På legevakt er legane fastløna og Volda er vertskommune.

Legetenesta i Ørsta består elles av 15 fastlegar og to LIS1-stillingar som alle er lokaliserte ved Ørsta helsesenter, samt kommuneoverlege i 100 % stilling.
Du vil få høve til å delta på vekentlege møte på Ørsta helsesenter og slik vere ein del av legefellesskapet i Ørsta kommune.

 

Helsestasjon/skulehelseteneste:

Arbeidet vil i hovudsak vere obligatoriske legekontrollar i samsvar med helsestasjonsprogrammet. I tillegg deltek ein på helsestasjon for ungdom (HFU). Legen deltek i helsestasjonen sitt helseteam, som i tillegg til legen, består av helsesjukepleiar, kommunepsykolog og familieterapeut.

Legen er også tilknytta og samarbeidar med:

• Helsestasjonsteam, helsesjukepleiarar som har helsestasjon 0-5 år
• Skuleteam, helsesjukepleiarar som arbeider ute i skulehelsetenesta

Ein har også kontakt med skulane og elevar/føresette ved behov.

Legen er ansvarleg for alle førsteklasseundersøkingane og enkelte konsultasjonar for barn som kjem som flyktningar.

 

Helsestasjonen har eigen avdelingsleiar som vil vere din leiar i delen av stillinga som er knytt til helsestasjonen. Elles er det knapt 12 årsverk fordelt på 17 tilsette. I tillegg til helsestasjonslege har vi 100 % jordmorressurs , 100 % merkantil ressurs, 100 % stilling for kommunepsykolog, 100 % nyoppretta engasjementstilling for familieterapeut og resterande er helsesjukepleiarstillingar. Fysioterapeut er knytt til helsestasjon 0-5 år i 20 % stilling, .

Ørsta er BTI-kommune (betre tverrfagleg innsats) og vi er godt i gang med implementering av denne måten å jobbe systematisk og tverrfagleg rundt barn og familiar.

Helsestasjonen er lokalisert i same bygg som ergo, fysio, friskliv og Ørsta helsesenter (fastlegane).

 

Sjukeheim:

Kommunen har to sjukeheimslegestillingar. I tillegg til denne som er utlyst, er det 90 % stilling ved Ørstaheimen. Tenesteleiar for omsorgs og sjukeheim er leiar for sjukeheimslegane.

Arbeidstida er fordelt med ein fast dag i veka ved Hjørundfjordeheimen på Sæbø og ein halv fast dag i veka ved Vartdal Helsetun på Vartdal.
Det kan vurderast ei anna fordeling av arbeidstida dersom dette er meir føremålstenleg. Det er lagt til rette for kontakt mellom helsepersonell og lege også utanom dei faste tilstadesdagane, hovudsakleg via telefon.

 

Arbeidsoppgåver

Helsestasjon:

• legeoppgåver ved helsestasjon og HFU
• du inngår i fleire team på hesestasjonen(helseteam, skuleteam, helsestasjonsteam)
• enkelte førstegongskontrollar for barn som kjem som flyktningar

Sjukeheim:

tilsynslegeoppgåver ved Vartdal helsetun og Hjørundfjorheimen på Sæbø

Kvalifikasjonar

• du oppfyller krava i Forskrift om kompetansekrav for leger
• du uttrykker deg godt på norsk både munnleg og skriftleg
• det er krav om godkjend politiattest
• du har førarkort, klasse B og kan disponere eigen bil i teneste

Personlege eigenskapar

Vi søker etter ein lege som

• likar å jobbe både sjølvstendig og samarbeide med andre
• skaper gode relasjonar til born, føresette og pårørande
• er opptatt av fagutvikling
• har interesse både for forebyggande oppgåver og helseutfordringar hjå eldre
• er fleksibel
  

Vi tilbyr

• godt legefellesskap der du har høve til å delta på vekentlege møte saman med fastlegane
• dyktige kollegaer både på helsestasjonen og på sjukeheimane
• Spennande utfordringar og ein variert arbeidskvardag
• Arbeidstid på dagtid med fleksitidsordning
• Gode pensjons- og forsikringsordningar for tilsette i KLP
• Løn etter avtale

Kontaktinformasjon

Camilla Nupen, avdelingsleiar, 90075316, camilla.nupen@orsta.kommune.no
Runa Bakke, Tenesteleiar, 91621147, runa.bakke@orsta.kommune.no
Wenche Flo, Tenesteleiar Omsorg og sjukeheim, 957 12 120, wenche.flo@orsta.kommune.no

Arbeidsstad

Dalevegen 28A
6153 Ørsta

Nøkkelinformasjon:

Arbeidsgivar: Ørsta kommune

Referansenr.: 4954009865
Stillingsprosent: 80%
Vikar
Startdato: 15.09.2025
Sluttdato: 31.07.2026
Søknadsfrist: 15.05.2025