Psykolog? No er det din tur

Ønskjer du å bli ein del av eit fagleg fellesskap der både pasienten og kollegaen blir tatt på alvor?

Her møter du eit tverrfagleg miljø der legar i spesialisering, sjukepleiarar, vernepleiarar og helsefagarbeidarar jobbar tett saman. Du får bruke  spesialistkompetansen din i eit miljø som speler kvarandre gode – med rom for både fagleg utvikling og kvilepuls i kvardagen.

Vi ser etter deg som trivst i faglege samtalar, ser heilskapen i møtet med pasientar og jobbar målretta og dedikert.

Hos oss blir du ein del av Haugaland DPS, som tilbyr brei behandling innan psykisk helse og rus, både i døgnpost og poliklinikk. Her finn du òg ACT- og FACT-team, psykose-team og akutt ambulant team (AAT) – med gode høve for fagleg utveksling og samarbeid på tvers.

Vi legg til rette for fagleg vekst – med fokus på kompetanseheving, vidareutdanning og deltaking i aktivt forskingsmiljø. For rett kandidat kan vi òg sjå på moglegheiter for PhD-løp. Spesialistpermisjon er avtalefesta i alle helseføretak.

Hos oss er det lett å vere ny, lett å spørje – og lett å trivast. 👉 Er dette ein kvardag du kjenner deg igjen i? Då håpar vi du søker!

Kva går jobben ut på?

• Psykologfaglege observasjonar, utgreiing og behandling
• Bidra i behandlingsmøte og tverrfagleg samarbeid
• Rettleiing og fagleg støtte internt
• Samarbeid med pårørande og andre instansar
• Aktiv deltaking i kvalitets- og utviklingsarbeid
• Vere oppdatert på fagfeltet og bidra til kompetanseheving i avdelinga
• Vedtaksansvar ved tvunge psykisk helsevern (vi legg til rette for opplæring om du ikkje har dette i dag)
  

Kva kompetanse er viktig i denne rolla?

• Må ha norsk autorisasjon som psykolog
• Relevant erfaring og praksis blir vektlagd
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad.
• Det er ein fordel om du har erfaring med vurderingar i tråd med Lov om psykisk helsevern og tvunge psykisk helsevern.

Kva ser vi etter hos deg?

Vi ser etter deg som:

• er oppteken av god pasientbehandling
• har trygg tilnærming og er god til å bygge tillit i møte med pasientar
• har høg etisk bevisstheit og tek fagleg ansvar på alvor. 
• liker å lære og set pris på godt samarbeid med kollegaer

Personleg egnethet vert vektlagd.

Kvifor skal du velje oss?

Hos oss får du:

• Fast 100 % stilling i eit utviklingsretta og triveleg fagmiljø
• Gode kollegaer med ulik fagbakgrunn og lav terskel for å spørje kvarandre.
• Tverrfagleg samarbeid med psykiater, LIS, sjukepleiarar, vernepleiarar og miljøpersonell.
• 4 månaders utdanningspermisjon kvar 5. år for spesialistar.

Kontaktinformasjon

Arbeidsstad

Nøkkelinformasjon: