Vil du vera med å blåsa vind i segla til vår nye kommunedirektør i Vik?

Vik kommune søkjer ein engasjert og utviklingsorientert kommunalsjef for samfunn som vil vera med på laget til vår nye kommunedirektør og hennar leiargruppe. Vik er ein kommune med variert næringsliv, låg arbeidsløyse, berekraftig økonomi og dyktige medarbeidarar – men òg ein kommune med ambisjonar om auka attraktivitet, vekst og tilflytting. Som kommunalsjef får du ei sentral rolle i dette arbeidet.

Kommunalsjefen er leiar for einingane/avdelingane drift og VA, reinhald, plan og forvaltning, kultur, hamn, samfunnstryggleik og beredskap, frivilligsentralen og næring. Kommunalsjefen har kontakt med kommunen sine innbyggjarar, folkevalde, næringslivet og andre kommunale tenester.

Me søkjer etter ein leiar med strategisk blikk, god gjennomføringsevne og som er trygg i skjeringspunktet mellom politikk og administrasjon. Du må kunna kommunisera godt både internt og eksternt, og ha føresetnader for å utvikla ein organisasjonskultur prega av tillit, samarbeid og kvalitet.

• leia og vidareutvikla eit sentralt og komplekst tenesteområde
• sikra god økonomistyring og effektiv ressursbruk
• planleggja og gjennomføra omstillings- og utviklingsprosessar
• ansvar for sakshandsaming og oppfølging innan eige sektorområde
• sikra godt samarbeid, både internt i organisasjonen og med eksterne aktørar
• bidra aktivt til å byggja kultur, struktur og kompetanse for kvalitet og utvikling

• høgare relevant utdanning, fortrinnsvis innan ingeniørfag eller andre tekniske fag
• leiarerfaring frå arbeid med økonomi, personal og relevante fagområde
• kunnskap om og erfaring frå offentleg sektor, gjerne på kommunenivå
• digital forståing og erfaring med utviklings- og omstillingsarbeid
• gode kommunikasjonsevner, både munnleg og skriftleg
• administrasjonsspråket i Vik kommune er nynorsk, og det er ønskjeleg at søkjarar meistrar nynorsk som arbeids- og administrasjonsspråk

• god strategisk forståing og evne til å prioritera
• strukturert og beslutningsdyktig, og ein god lagspel i eigen organisasjon
• evne til å halda oversikt over fleire saker og tema samstundes
• ein tydeleg og inkluderande leiar med høg integritet og god rolleforståing
• evne til å byggja tillit og utvikla gode relasjonar, både internt og eksternt i kommunen

Personlege eigenskapar vil verta vektlagde.

• ei interessant leiarrolle med handlingsrom og moglegheit til å påverka
• eit breitt samansett og dyktig fagmiljø
• gode kollegaer
• løn etter avtale
• gode pensjonsordningar i KLP
• inntil 10 ekstra fridagar som kompensasjon for møteverksemd og særleg belastning i tråd med HTA.

Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Alle søknader på ledige stillingar i Vik kommune skal registrerast elektronisk. Me ber om at dokumentasjon på eventuell utdanning og erfaring blir lagt ved søknaden. Dersom du treng hjelp med søknaden, kan du ta kontakt på tlf. 57 69 82 00.