Operatør pulverlakk

Vil du bli ein del av vårt produksjonsteam for pulverlakkering?

Saferoad Vik Ørsta ser etter ein ryddig, systematisk og detaljorientert medarbeidar som kan bidra til å få ut rett vare til rett kunde til rett tid. 

Som operatør i vår lakkavdeling vil du jobbe som ein del av et team og sørge for at produkta våre får den overflatebehandlinga som krevst. Stillinga inngår i skiftrotasjon med dag- og kveldsskift. 

Hovudoppgåver vil vere:

• Klargjering av produkt før lakkering
• Kontroll av sjølve overflatebehandlinga
• Pakking av ferdige produkt

Vi ser etter deg som:

• Kan bidra positivt inn i eit team
• Er fleksibel og ikkje er redd for å ta i eit tak når det trengst
• Har gode haldningar og lyst til å lære

Det er ein fordel om du har truck- og kransertifikat. Vi gir nødvendig opplæring og kursing og du vil få muligheit til å ta fagbrev. 

Slik søkjer du:

Send søknad, CV og vedlegg via lenka på denne sida.
Har du spørsmål om opplasting av dokument? Kontakt Jobbnorge på tlf. 75 54 22 20.

Spørsmål om denne spennande stillinga? Kontakt oss:

Arbeidsleiar Kjetil Sætre, tlf. 468 90 826.

Flytte til Ørsta?

Vil du ha kort veg til jobb, barnehage og SFO? Då er Ørsta staden for deg og familien din. Her finn du vakker natur og gode jobbmoglegheiter. Ørsta ligg sentralt til på Sunnmøre, med tilgang til både kyst- og fjellområde for gode naturopplevingar. Her kan du nyte skiturar om vinteren og båtliv om sommaren.

I tillegg er regionen kjend for sitt sterke næringsliv, med moglegheit for personleg og profesjonell utvikling. Med lokal flyplass er vegen kort til resten av verda.

Ørsta og Sunnmøre er ein flott stad å bu og arbeide, så kvifor ikkje flytte hit og starte eit nytt eventyr med familien din?

Stolte av produkta våre spør du?

- Eg er litt stolt av at vi lagar dette her. Og det trur eg borna mine også er.

Gode Kjell! Og Katrin. Og Egil Johan. Og Leifen. Og alle andre fine folk i Saferoad Vik Ørsta!

Snart 80 år med norsk industrihistorie frå to små bygder på Vestlandet. Klart det er lov å vere stolt. Vi går for 80 år til. Minst!

Video: Nanseth Media

Video: https://youtu.be/TbWMxh1wli4?si=sjCZSNQhfxZTVaea