Museumsbonde og vert til sommarsesongen på Brudavolltunet og Sivert Aarflot-museet

Vi søker museumsbonde og vert til sommarsesongen på Brudavolltunet i Ørsta og Sivert Aarflot-museet i Volda.

Vi søker deg som både vil ta imot publikum på den einbølte garden Brudavolltunet i Ørsta, og på Sivert Aarflot - museet i Volda. Særleg på Brudavolltunet vil arbeidet innebere skjøtselsoppgåver i dei kulturhistoriske tuna. Arbeidet består av skjøtsel og slått av slåttemarkar, gangareal og hage. I tillegg kjem tilsyn med veiter og kompostbingar. Både skjøtsels - og formidlingsarbeid vert fastsett og leia av tilsette i Viti, men sjølvstendig arbeid må påreknast.

Omfang: Tre arbeidsdagar pr veke, 7,5 timar per dag. I tillegg kjem opplæring og moglegheit for ekstraoppgåver etter avtale, slik som engslåtten og arrangement.

Periode: Arbeidet skjer i perioden 20. juni til og med 18. august. Stillinga er på til saman 60%, fordelt på perioden.

Som tilsett i førstelinja ser vi etter deg som:

• Er positiv, omgjengeleg og serviceinnstilt

• Har interesse og / eller fagbakgrunn innan kulturhistorie knytt til landbruk, hagebruk og historie

• Har praktisk røynsle med hagebruk

• Har gode formidlingsevner, på norsk og engelsk

• Er sjølvstendig, strukturert og ryddig

• Har evne til å handtere varierte arbeidsoppgåver og utfordringar

• Det er ein fordel om du har førarkort og disponerer bil.

Vi tilbyr:

• Vi tilbyr spennande og varierande arbeid i eit godt arbeidsmiljø

• Løn etter tariff og kvalifikasjonar. Aktuell plassering for museumsbonde / vert i stillingskode 1078 Betjent med minsteløn kr 389 100

• Medlemskap i Kommunal Landspensjonskasse med gode pensjons-, forsikrings- og låneordningar. Frå løna vert trekt 2% innskot til pensjonskassa.

Søknadsfrist: 7. april.

Ver venleg å spesifiser kva stilling du søker på. Vitnemål og attestar skal leggast ved søknaden.

Heimla i Politiregisterforskrifta § 34-16 om personar som skal utføre oppgåver i kulturinstitusjonar vil Viti krevje politiattest før tilsetting i stillinga.

Send søknad til post@vitimusea.no Inkludering og mangfald er ein styrke og gjer at vi kan løyse oppgåvene våre enda betre. Difor ynskjer vi oss medarbeidarar med ulik kompetanse, fagkombinasjonar, livsrøynsle og perspektiv. Har du ei funksjonsnedsetjing, hol i CV-en eller innvandrarbakgrunn, oppmodar vi deg og til å søkje. Får du jobben, legg vi til rette for deg om du treng det.