Einingsleiar landbruk

Midt-Telemark kommune søkjer etter einingsleiar for landbrukskontoret. Nome og Midt-Telemark landbrukskontor er eit interkommunalt landbrukskontor for kommunane Nome og Midt-Telemark. Kontoret er ein del av det landbruksfaglege miljøet på Landbrukets Hus på Brenna, Gvarv. Landbrukskontoret er organisert under teknisk sektor i kommunen, og einingsleiaren vert ein del av leiargruppa i sektoren.

Midt-Telemark er den største landbrukskommunen i fylket, og saman med Nome forvaltar Nome og Midt-Telemark landbrukskontor over ein fjerdedel av det samla landbruksarealet i fylket og står for den største verdiskapinga. Området har ei omfattande fruktproduksjon som bidreg sterkt til verdiskapinga. Det finst òg levande produksjonsmiljø innan husdyr- og kornproduksjon. Skogbruk er òg ei viktig næring. Å motivere og bistå landbruksnæringa til vidare utvikling, både innan primærproduksjon, vidareforedling og tilleggsnæringar knytte til gardsbruk, vil vere ein sentral del av stillinga.

Nome og Midt-Telemark landbrukskontor har som føremål å forvalte kommunane sine til ei kvar tid gjeldande ansvarsområde innanfor viltlova, jord-, skog- og konsesjonslova, samt å ha landbruksfagleg kompetanse innan kommunal arealforvaltning, arealplanlegging og landbruksbasert næringsutvikling. Det er for tida åtte medarbeidarar ved landbrukskontoret.

Arbeidsoppgåver

Einingsleiaren har ansvar for den daglege leiinga av landbrukskontoret. Det vil seie full fagleg, personalmessig og økonomisk ansvar for eininga.

Eininga arbeider med:

• Tilskotsforvaltning.
• Næringsutvikling innan jordbruk, skogbruk og naturbaserte næringar.
• Lovsaker knytte til jordlova og konsesjonslova, samt egenerklæring om konsesjonsfridom.
• Viltforvaltning, fisk og motorferdsel i utmark.
• Einingsleiaren er ansvarleg for kontorfellesskapen Landbrukets hus og utviklinga av dette miljøet.

Kvalifikasjonar

Krav til kvalifikasjonar

• Høgare utdanning innan landbruk eller skogbruk, fortrinnsvis mastergrad.
• Leiarerfaring og/eller leiingsutdanning.
• Erfaring med og interesse for næringsutvikling innan jordbruk, skogbruk og naturbaserte næringar.

Ønska kompetanse

 Søkjar bør kunne meistre begge målformer

Særskilde krav

• Førarkort kl. B
• Disponere bil
  

Personlege eigenskapar

• Strukturert og ryddig.
• Innteresse for fagområdet og næringsutvikling. 
• Evne til å motivere, få til samarbeid og skape positivt engasjement i næringa og blant medarbeiderne.

Personlige egenskaper vil bli vektlagt. 

Vi tilbyr

• Lønn etter gjeldande lov og avtaleverk.
• Gode forsikrings- og pensjonsordningar.
• Godt fagmiljø og arbeidsmiljø.
• Midt-Telemark kommune har eit introduksjonsprogram for nye leiarar

Kopi av vitnemål og attestar lastas opp som vedlegg i webcruiter.

Kontaktinformasjon

Hans Kortner Ryen, Kommunalsjef Teknisk, +47 91339201

Arbeidsstad

Gullbringvegen 20
3800 BØ I TELEMARK

Nøkkelinformasjon:

Arbeidsgivar: Midt-Telemark kommune

Referansenr.: 5106166344
Stillingsprosent: 100%
Fast
Søknadsfrist: 01.06.2026