Eigedomsrådgjevar

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/M5n6RnScNgA

Eigedomsrådgjevar

Eigedomsavdelinga ved Universitetet i Bergen har ein av dei mest mangfaldige og spennande eigedomsporteføljane i byen – og no treng vi deg! Vi søkjer ein engasjert og strukturert eigedomsrådgjevar til fast stilling i Eigedomsavdelinga.

Som eigedomsrådgjevar får du ansvar for ei variert portefølje av bygg – frå historiske byvillaer og kontoriserte bygardar til moderne undervisningsbygg og avanserte laboratoriebygg. Du blir ein nøkkelperson i arbeidet med å sikre gode og framtidsretta lærings- og forskingsmiljø for studentar og tilsette.

Prosjektseksjonen har ansvar for arealforvaltning i tillegg til det administrative ansvaret for for planlegging og gjennomføring av nybygg, ombyggingar, rehabilitering og vedlikehaldsprosjekt, miljø og interiør. Seksjonen omfattar i dag 21 stillingar, deriblant fire stillingar i eining for strategisk eigedom- og arealstyring (arealgruppa).

Arbeidsoppgåver:

• Ansvar for tildelt eigedomsportefølje
• Fast kontaktpunkt for langsiktig oppfølging av brukarmiljøa sine arealbehov i porteføljen
• Utarbeide analyser og utredningar om areal, kostnader, klimarisiko og utviklings-scenario som grunnlag for heilskapleg styring og utvikling av UiB sine areal, eigedomar og campusområder
• Arbeide for kostnadseffektiv forvaltning av eigedomane
• Arealoptimalisering
• Oversikt og oppfølging av inn- og utleigekontraktar

Stillinga rapporterer til leiar for strategisk eigedoms- og arealstyring.

Kvalifikasjonar:

• Utdanning tilsvarande masternivå innan eigedomsfag, juridiske fag, ingeniørfag, samfunnsvitskap eller økonomi. Realkompetanse med relevans for dei aktuelle oppgåvene kan kompensere for utdanningskravet.
• God økonomiforståing
• Gode evner til kommunikasjon, og å kunne uttrykkje seg godt skriftleg og munnleg både på norsk og engelsk

Vi ser det som et føremon at du har erfaring frå:

• Kontraktarbeid ogporteføljestyring
• Offentleg regelverk og utgreiingsarbeid
• Kjøp og sal av næringseigedom

Vi ser etter ein person med:

• Serviceinnstilling og som er god på kundehandtering
• Evne til å vere systematisk og til å sjå oppgåver i ein større samanheng
• Evne til å arbeide målretta både sjølvstendig og i samarbeid med andre
• God gjennomførings- og beslutningsevne
• Lyst og evne til å utvikle seg gjennom varierte oppdrag og blikk for digitale løysingar som ei moglegheit

Personlege eigenskapar som er naudsynte for stillinga vil bli vektlagt.

Vi kan tilby:

• Spennande og utviklande arbeidsoppgåver i et sterkt fagmiljø
• Stilling som seniorrådgjevar (kode 1364) løn kr 730 000 – 870 000, avhengig av kvalifikasjonar og bakgrunn i det statlege lønsregulativet. For særleg kvalifiserte søkjarar kan det verte aktuelt å vurdere høgare løn.
• Medlemsskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til: leier av gruppe for strategi- og arealstyring, Bjørn Tore Lavik, mobil 980 22 007, e-post: bjorn.lavik@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppfordrar kvinner til å søkje.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.