Prosjektleiar/rådgjevar
Kvinnherad treng deg!
Spanande prosjektleiarjobb er ledig. Blir den din?
Kvinnherad Næringsservice jobbar grundig, entusiastisk og målretta med utvikling av både samfunn, bransjar og verksemder i naturskjønne Kvinnherad kommune. Me går ei særs travel og spanande tid i møte, og ynskjer difor eit engasjert, fagleg dyktig, fleksibelt og kreativt menneske med på laget. I denne nyoppretta stillinga får du ei heilt sentral rolle i å skape verdiar og resultat for medlemmane våre, og med gode moglegheiter til forme din eigen arbeidskvardag.
Arbeidsoppgåver:
- Desentralisert utdanning: saman skal me syte for at ingen treng å bu i byen for å tileigne seg naudsynt kompetanse på universitets- eller høgskulenivå.
- Innsal og rådgjeving: Innsal og rådgjevingstenester til medlemsbedriftene våre er knytt til utfordringar og moglegheiter dei til ein kvar tid står ovanfor
- Arrangement: Planlegging og gjennomføring av samlingar, kurs og kompetansehevande tiltak, konferansar og sosiale tilstellingar
- Prosjekt: Mange! Og det er du, i samarbeid med oss andre, som skal finne ut korleis me best kan skape verdiar gjennom identifisering, planlegging og gjennomføring av desse
Litt om deg:
Kven er så du? Me veit ikkje heilt enda, men gler oss til å verta betre kjend. Me har naturlegvis gjort oss opp nokre tankar. Me er oppteken av kva du allereie kan, men kva du vil læra både deg sjølv og andre undervegs i tida som kjem, er minst like viktig. Me reknar med at du har utdanning på bachelor- eller masternivå, sjølv om lang og relevant yrkeserfaring kan kompensera for dette. Du har dessutan truleg prosjektleiarerfaring, med dokumenterte resultat.
Som menneske er du lærings- og endringsorientert, tilpassingsdyktig, initiativrik og optimistisk. Du trivest med å ha mange ballar i lufta, og jobbar godt både sjølvstendig men også i team. Du brenn for distriktsutvikling, og drøymer om det herlege livet på landet eit stykka unna storbyen.
Bakgrunn for prosjektstillinga
Kvinnherad Næringsservice, Hardanger og Voss Næringshage, og Næringshagen i Ullensvang er i ferd med å etablera eit heilt nytt tilbod for næringslivet i Kvinnherad. Til saman er me nærare 20 tilsette, med høg kompetanse og allsidig bakgrunn innan rådgjeving og næringsutvikling.
To prosjekt står sentralt:
Få på plass eit varig tilbod for desentralisert utdanning i regionen vår, samt sikre alle verksemder i Kvinnherad tilgang til næringshageprogrammet.
Dette er ei prosjektstilling med varigheit ut 2023, men vert truleg forlenga for rett kandidat.
For meir informasjon og spørsmål:
Michael Knüsel: mobil 40723127 mail: michael@hardangervoss.no
Frode Hetlevik: mobil 90760787 mail: frode@naeringsservice.no