Funksjonsleiar - TSB poliklinikk

Har du fagleg kompetanse og engasjement for tverrfagleg spesialisert rusbehandling – og lyst til å leie utviklinga av poliklinikken vår?

Funksjonsleiar i TSB poliklinikken inngår pr i dag i leiarteam ved Haugaland DPS, men vil frå oktober 2025 vera ein del av nyoppretta Avdeling for Rus og Avhengigheit (ARA) i Helse Fonna. Det innebærer ei nøkkelrolle i utforming og utvikling av TSB-poliklinikken som del av ei styrka satsning på TSB-området.

Ved å samle ressursar og fagutvikling innan TSB i ei avdeling, er intensjonen å bygga ei god og framtidsretta tjeneste. ARA vil utover TSB Poliklinikk omfatte TSB-post i Kopervik, Avgiftningspost lokalisert til Haugesund sjukehus, samt LAR-poliklinikk Haugesund og LAR-poliklinikk Karmøy. 

TSB poliklinikken er ein tverrfagleg poliklinikk med lege, psykologspesialist, sosionomar og sjukepleiarar. Poliklinikken har ansvar for utgreiing og behandling av personar med psykiske lidingar og rusmiddelavhengigheit frå 16 år og opp. Arbeidet inneber individuell utgreiing og behandling, målretta og langvarig samarbeid med kommunale instansar og andre deler av spesialisthelsetenesta.

Poliklinikken dekkjer eit stort område, og har lokasjonar både på Karmøy og i Haugesund. Arbeidsstad vil soleis ha noko fleksibilitet i utforming. 

I det vidare utviklingsarbeidet ser vi fram til å få ein ny leiarkollega med på laget, og oppfordrar deg til å søkje.

Dersom du har spørsmål eller avklaringar som relevante for å avklare interesse for stillinga, ta gjerne kontakt med avdelingsleiar på telefon.

Kva går jobben ut på?

• Ansvarleg for fagleg utvikling i tråd med nasjonalfaglege retningslinjer
• Bidra til kvalitet og pasientsikkerhet
• Planlegg kompetanseutvikling og internundervisning i både fag og HMS
• Følgje opp nettverkssamarbeid med kommune-/ og spesialisthelseteneste
• Opprettheld partssamarbeid med tillitsvalgtapparat og verneteneste
• Styre drifta innafor vedtatte budsjettrammer
• Ansvar for rekruttering, bemanning og dagleg drift
• Delta i klinisk arbeid

Kva kompetanse er viktig i denne rolla?

• Norsk autorisasjon som lege/psykolog
  
• Helse- og sosialfagleg høgskuleutdanna
• Vidareutdanning innan fagområdet er ein fordel
• Leiarerfaring får området rus og psykisk helse er ein fordel
• Må beherske godt norsk både munnleg og skriftleg
  
• Sertifikat

Kva ser vi etter hos deg?

Hos oss er det viktig at du:

• er god til heilskapleg og strategisk tenkning
• har sterke samarbeidsegenskapar
• kommuniserer tydeleg
• har evne til å prioritera i ein kvardag med varierte problemstillingar
• er strukturert 
• har god gjennomføringsevne, men er ydmyk i ditt arbeid
• er ein lojal og trygg leiar/kollega
• har interesse for fag og kvalitetsforbetring

Personlege eigenskapar vil bli vektlagd

Kvifor skal du velje oss?

• Fagleg og personleg utvikling
• Triveleg arbeidsmiljø
• Høgt fagleg nivå
• Deltaking i Helse Fonna sitt funksjonsleiarprogram
• Helse Fonna har eiga godt etablert forskingsavdeling og det blir lagt til rette for forskning.
• Ein arbeidsplass som er ei inkluderande arbeidsliv-bedrift (IA-bedrift)

Kontaktinformasjon

Håvard Wester Breistein, Avdelingsleiar, +47 93241877

Arbeidsstad

Karmsundgata 120
5528 Haugesund

Nøkkelinformasjon:

Arbeidsgivar: Helse Fonna HF

Referansenr.: 4953990097
Stillingsprosent: 100%
Fast
Søknadsfrist: 15.06.2025