Mielbargi bivttasossodagas – Sámi Našunálateáhter Beaivváš

Hva vi ser etter

• Vásáhus teáhter- ja/dahje filbmabiktasiin

• Relevánta oahppu dahje sullasaš bargoduogáš goarrun, maiddái vuođđominstariiguin bargan ja máhttu goarrut biktasiid

• Ovttasbargat bures ja gávdnat geavatlaš čovdosiid go lea hoahppoáigi

• Lea ovdamunni jus lea hárjáneapmi bargat dujiin ja/dahje sámi lávdebiktasiiguin/biktasiiguin

• Ohcci ferte máhttit sámegiela, skandinavialaš giela dahje eaŋgalsgiela. Sámegielgelbbolašvuohta adno ovdamunnin.

• Válddát ovddasvástádusa, geahččalat čoavdit áššiid ja čuovvolat bargguid iešheanalaččat

• Don leat praktihkalaš, struktuvrralaš ja áŋgir gávdnat čovdosiid

• Don háliidat oahppat ja ovdánit fágalaččat, maiddái ođđa bargovugiid ja teknologiija dáfus

• Don loavttat molsašuddi bargobirrasis, gos lea muhtomin veahá hoahppu ja muhtomin jaskadit áigodagat

•Goarrut/ duojárat geain lea oahppu dahje relevánta vásáhus ja geat háliidit geavahit iežaset gelbbolašvuođa sámi lávdedáidagis

• Bivttashábmejeaddji geas lea oahppu ja guhte maiddái máhttá goarrut ja ráhkadit biktasiid, ja guhte háliida oahpásmuvvat sámi lávdebiktasiiguin ja sámi teáhterbirrasiin

Arbeidsoppgaver

Bivttasossodagas lea ovddasvástádus buvttadit teáhterčájálmasaide lávdebiktasiid. Dasa gullá goarrun ja heiveheamit, duodjebarggut, gárvvuheapmi čájálmasaide, ja maiddái biktasiid fuolahit, divvut ja bassat.

• Goarrut, heivehit ja ráhkkanahttit lávdebiktasiid čájálmasaide

• Fuolahit, divvut ja bassat lávdebiktasiid

• Veahkehit teáhterbuvttadusaid duodjebargguiguin

• Gárvvuhanveahkkin ja praktihkalaš veahkkin čájálmasain dárbbu mielde

• Organiseret ja systematiseret bivttasvuorkkáid, ja ráhkkanahttit biktasiid vuorkái

• Veahkehit geabbilit ossodagas go lea intensiiva buvttadanáigodat ja jaskadit áigodagain go lea áigi divodit ja ráhkkanemiiguin bargat

Vi tilbyr

• Jahkásaš šiehtadus, mas lea vejolašvuohta guhkidit

Bargoaddi sáhttá veahkehit orrunsaji gávdnat jus it oro Guovdageainnus