Sjukepleiar i poliklinikk i Odda – dagtid og kvar 4. helg

Vil du ha ein jobb der du får følgje pasientar tett, bruke sjukepleiefaget på fleire område og samtidig ha ein kvardag som er lettare å få til å gå opp? 

På kirurgisk og medisinsk poliklinikk i Odda får du ein arbeidsdag med fagleg variasjon, tett samarbeid og hovudsakleg dagarbeid. Du blir ein del av eit lite og stabilt fagmiljø der folk kjenner kvarandre godt, deler kunnskap og stiller opp for kvarandre. Her får du vere nær både pasientane og kollegaene dine – og du får ein arbeidsplass der du blir sett.

Hos oss får du ikkje berre møte ein fastsett plan – du får vere med og påverke kvardagen i teamet. Vi lyttar til innspel, testar ut gode løysingar i praksis og jobbar saman for å utvikle både rutinar og pasientforløp. Du får moglegheit til å fordjupe deg i fagområde duer interessert i.

Vi trur du kan trivast godt både hos oss og med livet i Odda og Ullensvang. Her er avstandane korte, det er lett å finne ro etter jobb, og mange opplever at balansen mellom arbeid og fritid blir ekstra god.

Har du spørsmål om stillinga, er du veldig velkomen til å ta kontakt for ein prat.

👉 Send søknad i dag – vi gler oss til å høyre frå deg.

Oppstart etter avtale. 

Kva går jobben ut på?

Du vil mellom anna:

• Undersøkje og følgje opp kirurgiske og medisinske pasientar.
• Jobbe med heimebaserte undersøkingar og medisinsk-teknisk utstyr.
• Bidra innan fagområde som kardiologi, søvnapné, skadepoliklinikk og skopi.
• Ha administrative oppgåver knytte til pasientforløp.
• Rettleie studentar. 
• Delta i forbetringsarbeid og digital utvikling i avdelinga.

Du jobbar i hovudsak dagtid, med arbeid kvar 4. helg på sengepost.

Kva kompetanse er viktig i denne rolla?

• Norsk autorisasjon som sjukepleiar - gjerne med erfaring frå sjukehus.
• Videreutdanning innan sår og kardiologi er ønskjeleg, men ikkje eit krav.
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad .

Kva ser vi etter hos deg?

Vi ser etter deg som møter pasientar på ein roleg og tydeleg måte, og som trivst når du får samarbeide med andre for å få dagen til å fungere godt.

Det er viktig at du:

• samarbeider godt og bidreg positivt i teamet
• held oversikt og jobbar ryddig
• tek ansvar og ser kva som trengst
• er oppteken av fag og vil utvikle deg vidare
• har lyst til å bidra når vi forbetrar arbeidsmåtar og rutinar 

Personlege eigenskapar vert vektlagde

Dette er arbeidsmiljøet vårt

Hos oss får du:

• eit lite og stabilt fagmiljø med låg terskel for å be om hjelp
• god og tilpassa opplæring
• ein jobb som i hovudsak er på dagtid 
  
• kollegaer som deler kunnskap og erfaringar med kvarandre
• høve til å bidra i forbetringsarbeid og digitalisering
• hjelp til å skaffe bustad ved behov

Vi er stolte av arbeidsmiljøet vårt. Avdelinga vann arbeidsmiljøprisen i 2024, og i medarbeidarundersøkinga skårar vi svært høgt på støtte frå kollegaer, trivsel og opplæring. I tillegg har ingen slutta hos oss sidan 2011, bortsett frå ved pensjon.

I medarbeidarundersøkinga vår skårar vi mellom anna 100% på: 

• Støtte frå kollegaer  
• Trivsel på jobb 
• God opplæring og rettleiing  

Hos oss får du ein arbeidsplass der folk blir verande. Ingen har slutta hos oss sidan 2011, bortsett frå ved pensjon – og det seier mykje om arbeidsmiljøet vårt.

Kontaktinformasjon

Kari Marie Tjelmeland, Avdelingsleiar, +47 53651120, kari.marie.tjelmeland@helse-fonna.no
Anita Narheim, Funksjonsleiar

Arbeidsstad

Sjukehusvegen 10
5750 ODDA

Nøkkelinformasjon:

Arbeidsgivar: Helse Fonna HF

Referansenr.: 5095312995
Stillingsprosent: 100%
Fast
Søknadsfrist: 10.04.2026