Stipendiat (3 år)

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Stipendiat

Ved Det medisinske fakultet,  Institutt for klinisk odontologi er det ledig ei stilling som stipendiat (100 %). Stillinga er ledig for ein periode på tre (3) år.

Stillinga er knytt til forskargrupene ved instituttet og er finansiert av Universitetet i Bergen. Instituttet har for tida fire forskargrupper; vevsbygging/regenerasjon, biomateriale, orale infeksjon og inflammasjon, og oral helse. 

Munnhelse og odontologi har komplekse samfunnsmessige utfordringar som krev samspel over ulike fagområde og helseaktørar. Stipendiatane vil ta del i forsking ved instituttet basert på innlevert forskningspotokoll. Stipendiatprosjektet skal bidra til å vidareutvikle instituttets strategiske satsingsområdet innan forsking, som igjen skal spele samen med pågåande forsking ved instituttet.  Prosjekta bør vera innanfor eit, eller i kombinasjon med fleire av tematiske satsingsområde, gitt av forskargruppene våre. For kostbare prosjekt må det søkjast om ekstern finansiering. Dette gjeld særleg for kliniske og/eller laboratoriestudiar. 

Instituttet er ein arbeidsplass der nærvær i lokala våre er hovudregel. Me meiner at nærvær er viktig for å sikra eit godt arbeidsmiljø med samhald, kollegial støtte og fagleg utvikling. Stipendiatane me ser etter må ønskja å vera ein del av dette arbeidsmiljøet

Om prosjektet/arbeidsoppgåver:

Utforme og gjennomføre eit doktorgradsprosjekt innanfor ramma av instituttets satsingar. Bidra til utvikling av vitskaplege publikasjonar og formidling av forskingsfunn til både akademiske og ikkje-akademiske målgrupper. Delta aktivt i forskingsmiljøet ved Institutt for klinisk odontologi.

 Kvalifikasjonar og eigenskapar:

• Søkjar må ha fullført mastergrad eller tilsvarande i  odontologi 
• Søkjar må ha norsk tannlege lisens
• Erfaring frå relevante forskingsprosjekt vil telje positivt
• Den som vert tilsett må kunne arbeide sjølvstendig og strukturert, og ha gode samarbeidsevner  
• Evne og motivasjon til å gjennomføre eit doktorgradsprosjekt  
• Kandidaten må beherske nordisk språk
• God skriftleg og munnleg engelsk, sjå dokumentasjonskrav

Personlege eigenskapar blir vektlagd ved vurderinga.

Søkjarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved Direktoratet for høyere utdanning og kompetanse (HK-dir) si generelle vurdering om utdanninga (bachelor og master) samsvarar med norsk mastergrad. Sjå https://hkdir.no for meir informasjon om vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stipendiat stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg. Søkjarar med nordisk utdanning, eller medisinutdanning frå EØS-området som har fått lisens til å arbeide som lege i Norge er unntatt kravet om HK-dir vurdering, sjå  Opptakskrav | Det medisinske fakultet | UiB

Sjå også krav om dokumentasjon av engelsk-kunnskapar: 

 http://www.uib.no/med/115525/krav-til-engelskkunnskaper-ved-opptak-til-phd-programmet

For stillinga gjeldt følgande:

Forskarutdanning (ph.d.-programmet):
Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjent opplegg for ein doktorgrad innafor ei tidsramme på 3 år, utan andre pålagte arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.

Stipendiatstilling:
Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.

Vi tilbyr:

• Spanande og utviklande arbeidsoppgåver i eit sterkt fagmiljø
• Løn for tida kr 570 000 (kode 1017) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 585 000 (For søkjarar som er autorisert som lege eller tannlege, må dokumentasjon på norsk autorisasjon leggjast ved søknaden). For søkjarar med spesialistutdanning er løna for tida kr 605 000 (For søkjarar som har spesialistutdanning, må det leggjast ved spesialistgodkjenning frå Helsedirektoratet.)
• Medlemsskap i Statens pensjonskasse 
• Gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjon for å søkje stillinga
• Prosjektskisse/protokoll og finansieringsplan
• Karakterutskrifter og vitnemål (all høgare utdanning) og relevante attestar
• Søkjarar med utanlandsk utdanning (bachelor og master) må leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved HK-dir si generelle vurdering om utdanninga samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Har du ikkje fått svar innan søknadsfristen, kan du leggje ved dokumentasjon frå HK-dir om at dei har mottatt søknaden din 
• Dokumentasjon på engelsk-kunnskapar
• Ei fullstendig liste over publikasjonar og eventuelle andre faglege arbeid du vil det skal takast omsyn til
• Eventuelle publikasjonar (pdf)
• To referansar (namn og kontaktinformasjon)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til: Førsteamanuensis Cecilie Gjerde e-post: cecilie.gjerde@uib.no tlf.: 98698405 eller Instituttleder Asgeir Bårdsen, e-post: asgeir.bardsen@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

  

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5