Seksjonsleiar

Skopi-urologi-operasjon poliklinikk, Liva, har ledig fast stilling som seksjonsleiar.

Skopi-Urologi-Operasjon poliklinikk er ein fagleg spennande og variert arbeidsplass med høg aktivitet og eit godt, inkluderande arbeidsmiljø. Hos oss møter du eit engasjert fagmiljø som arbeider tett saman for å gje pasientane trygge og effektive tenester.

Vi dekkjer fagfelta

• urologi
• gastroenterologi
• plastikkirurgi
• bryst- og thyreoideakirurgi
• generell kirurgi.

Alle scopiar – både medisinske og kirurgiske – blir utførte her. I tillegg vert det gjennomført kirurgiske og ortopediske småinngrep ved dei tre operasjonsstovene som er lokalisert i seksjonen.

Poliklinikken har i dag 22 tilsette, inkludert

• sjukepleiarar
• spesialsjukepleiarar innan gastro- og urologifelta
• stomisjukepleiarar og operasjonssjukepleiar

Det er tett og godt samarbeid mellom sjukepleiarar, legar og sekretærar, og stillinga krev aktiv deltaking i det daglege tverrfaglege arbeidet.

Helse Førde har i samband med nytt sjukehusbygg utført omfattande omstillings- og utviklingsarbeid. Det vert kontinuerleg arbeidd med utvikling og forbetring av tenestene og organisering. Som seksjonsleiar vil du få ei sentral rolle i fleire av desse prosessane og prosjektarbeida.

Arbeidsoppgåver

• Fagleg og administrativ leiing av seksjonen
• Personalansvar og oppfølging av tilsette
• Sikre god fagleg kvalitet og pasienttryggleik
  
• Delta i - og bidra til utviklings- og forbetringsarbeid
  
• Planlegging og koordinering av drift
• Vere fleksibel og kunne delta i klinisk drift ved behov – stillinga krev brei fagleg forståing av alle områda poliklinikken dekkjer
• Bidra til god samhandling på tvers av fagområde

Kvalifikasjonar

• Relevant høgskule-/universitetsutdanning (helsefagleg bakgrunn er ønskt)
• Leiarkompetanse og/eller erfaring frå leiarstilling
  
• Erfaring frå poliklinikk eller kirurgisk verksemd vil bli vektlagt
• Gode IT-kunnskapar og systemforståing
  
• God skriftleg og munnleg framstillingsevne

Personlege eigenskapar

• Tydeleg og samlande leiar med gode kommunikasjonsevner
• Motiverande og inkluderande – skaper engasjement og trivsel
• Strukturert, løysingsorientert og ansvarleg
• Evne til å sjå heilskap og bidra til utvikling

Personlege eigenskapar blir vektlagde.

Vi tilbyr

• Fagleg og personleg utvikling
• Leiarutviklingsprogram
• Løn etter avtale
• Gode pensjons- og forsikringsordningar
• Utfordrande og spennande stilling i samspel med mange engasjerte og dyktige kolleger i eit godt fagmiljø.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Frøydis Hustveit, Avdelingssjef, (+47) 906 90 835
Evelyn Stavang, Assisterande avdelingssjef, (+47) 902 68 760

Arbeidsstad

Svanehaugvegen 2
6812 Førde

Nøkkelinformasjon:

Arbeidsgivar: Helse Førde

Referansenr.: 5034288666
Stillingsprosent: 100%
Fast
Søknadsfrist: 13.11.2025