Fagansvarlig KHMS - med blikk for struktur, samanheng og forbetring

Vil du vere med og skape struktur og retning i eit konsern med stor breidde i aktivitetar og menneske? I denne rolla får du vere arkitekten bak korleis Norway’s Best arbeider med KHMS – eit arbeid som handlar om å forstå kompleksiteten i konsernet sine ulike verksemder, og omsetje det til gode prinsipp, rutinar og løysingar som skaper verdi for heile organisasjonen. 
Hjå oss får du høve til å forme felles praksis, lage struktur og bygge kultur i eit konsern i vekst. Du får tillit, fagleg handlingsrom og ein organisasjon som vil lykkast saman med deg. 

Om oss  

Norway’s Best er eit konsern i vekst, med verksemd som spenner frå reiseliv og opplevingar til transport, overnatting og eigedomsdrift. Vi er eit mangfaldig fellesskap med ambisjon om å vere leiande innan berekraft, kvalitet og tryggleik – både for dei som arbeider hos oss, og for gjestane våre. 
Med fleire selskap, lokasjonar og driftsområde er vi no inne i ei fase der vi skal samle og standardisere konsernets arbeid med kvalitet, helse, miljø og sikkerheit. Difor søkjer vi ein fagleg sterk og sjølvstendig Fagansvarleg KHMS som vil vere med og byggje fundamentet for vidare vekst. 

Om rolla 

Rolla skal sikre at konsernet har eit heilskapleg, effektivt og brukartilpassa leiings- og styringssystem for KHMS. 
Du får eit breitt fagleg ansvar – frå kartlegging og strukturbygging til implementering og vidareutvikling – og blir sentral i å skape ein felles tryggleiks- og kvalitetskultur på tvers av selskap og lokasjonar. 

Dette er ei stilling for deg som trivst i krysspunktet mellom strategi og praksis, og som vert motivert av å setje retning, etablere system og sjå resultata ta form. 

Dine viktigaste oppgåver 

• Kartleggje konsernet sitt behov og setje felles retning for KHMS-arbeidet 
• Etablere, implementere og forvalte konsernet sitt leiings- og styringssystem 
• Planleggje og gjennomføre revisjonar, rapportering og forbetringstiltak 
• Vere rådgivar for og gjere leiarar ansvarleg for KHMS-arbeidet 
• Sikre oppdatert beredskapsplanverk og delta i kriseleiing 

Kven er du? 

Du er ein strukturert og analytisk fagperson som trivest med å skape orden i kompleksitet. Du har fagleg autoritet, arbeider systematisk og har evne til å sjå både heilskap og detalj. 
Du kommuniserer tydeleg, gjer andre ansvarleg og skaper tillit gjennom fagleg tryggleik og samarbeid. 
Du ser verdien i å lage struktur og byggje system, og vert motivert av dette. 

Kvalifikasjonar 

Utdanning: 

• Bachelorgrad innan kvalitetsleiing, HMS, revisjon eller tilsvarande område 
• Alternativt høgare yrkesfagleg utdanning (t.d. KHMS-ingeniør, risiko og beredskap) 

Vi tilbyr 

Ei spennande stilling i eit ambisiøst og dynamisk selskap som engasjerer seg for menneske og samfunn. Hjå oss blir du del av eit stolt kollegium i ei av Noregs leiande reiselivsbedrifter med gode moglegheiter for både fagleg og personleg vekst. I Norway’s Best er mangfald og inkludering viktige delar av kulturen. Hjå oss kan du vere deg sjølv, stille spørsmål og bli sett og respektert for den du er. 

Nokre av våre gode: 

• Konkurransedyktige vilkår 
• Pensjons- og forsikringsordningar gjennom Nordea Liv og Gjensidige 
• Gode rabattar og tilbod på Norway’s Best sine produkt og aktivitetar 

Stad: Flåm / Voss / Bergen 

Stilling: Fast, 100 % 

Avdeling: HR 

Norway’s best Group AS (NBG) er eit leiande norsk reiselivskonsern, med nokre av Norges mest spektakulære natur- og kulturbaserte reiseopplevingar i sin portefølje. Vår hovudaktivitet foregår i Flåm og Myrkdalen. Med fyrtårnprodukta Flåmsbana og UNESCO-området Nærøyfjorden har Flåm blitt til eit av dei mest populære reisemåla i Noreg, og i pudderparadiset Myrkdalen har vi den største skidestinasjonen på Vestlandet. I tillegg har selskapet aktivitet i Aurland, Lærdal, Geiranger og Oslo. NBG har ein omsetnad på vel 850 MNOK, meir enn 500 heilårs- og deltidstilsette og 1,7 millionar gjester. Konsernet eig Myrkdalen Fjellandsby, The Fjords og 50% av Flåmsbana. Gjennom dotterselskapet Norway’s best AS eig og driftar konsernet fire hotell, 14 restaurantar, to bakeri, i tillegg til Flåmsbanamuseet og Aurland Skofabrikk. Selskapet har også ein stor kommersiell avdeling som marknadsfører og seljer våre og andre aktørar sine produkt til gjester over heile verda. I Norway’s best Group AS verdset vi naturen, miljøet og dei lokalsamfunna vi opererer i. Ved å gjere vårt ytterste for å redusere vår miljøpåverknad og støtte opp rundt lokal verdiskaping, ynskjer vi å bidra til ei framtidsretta og berekraftig reiselivsnæring. Våre ansatte er kjernen i verksemda og vi ynskjer å skape eit inkluderande og likestilt miljø med trygge arbeidsplassar.