Sjåfør vogntog

Ein av våre dyktige sjåførar går over i ei ny stilling intern. Vi søkjer derfor etter ny sjåfør -- er det du? Litt om oss

NoMil skal vere ein hyggjeleg plass å arbeide, med sterk fokus på arbeidsmiljøet og at våre tilsette skal ha ein trygg arbeidsplass. Vi har sterk fokus på HMS og ynskjer at du bidreg til at vi når våre mål. Vårt ynskje er å ha trygge sjåførar som køyrer skadefritt, og du må like å ta vare på bil og utstyr.

Det er viktig å ta vare på miljøet, på våre kundar, og ikkje minst andre trafikantar som ferdast på både tronge og krunglete vegar.

SJÅFØR VOGNTOG

NoMil søkjer etter ny vogntogsjåfør i 100% fast stilling med oppmøtestad på hovudanlegget i Eidsmona på Sandane. Arbeidsoppgåvene er containertransport med krokbil til innhenting av avfall frå gjenbruksstasjonane i Nordfjord og Sunnfjord samt levering av avfall til våre samarbeidspartnarar.

For stillinga er det eit krav om at du har:

· førarkort klasse CE og YSK

· ADR bevis vert vektlagt

· god helse og fysikk

· snakkar og forstår norsk tilsvarande nivå B2

· normale digitale ferdigheitar

· maskinførarbevis er ynskjeleg

· fagbrev innan transportfag vert vektlagt

Personlege eigenskapar

Du bør ha en positiv innstilling, og vere ein engasjert og god kollega med godt humør.

Det er viktig å vere strukturert og nøyaktig, ha god arbeidsmoral, til å stole på, og lojal mot selskapet og våre abonnentar.

Vi tilbyr

· ein attraktiv arbeidsplass med gode kollegaer

· konkurransedyktige lønsvilkår med tillegg for fagbrev

· gode pensjons- og AFP ordning gjennom KLP som og tilbyr gunstige private lån og forsikringar

Nomil er oppteken av å ha gode og ryddige forhold på arbeidsplassen, og gje god opplæring og personleg utvikling til våre tilsette.