Kirurgisk kontorteneste Ålesund sjukehus har ledig fast stilling som helsesekretær/sekretær. 

Kirurgisk kontorteneste er organisert i ein eigen seksjon og yter pasientadministrative og kliniske tenester som understøttar pasientbehandlinga i fagavdelingane. Vi bemannar alle kirurgiske og ortopedisk poliklinikkar, 3 sengepostar og dagkirurgi. Som helsesekretær/sekretær hos oss vil du jobbe i eit team med ulik alder og samarbeide med fleire ulike faggrupper.

Vi søkjer no etter ein dyktig helsesekretær/medisinsk sekretær/sekretær til poliklinikk. Dette er ein til tider hektisk, men triveleg arbeidsplass, med eit godt arbeidsmiljø. Om du set service i sentrum, bidrar til god logistikkflyt, er omgjengeleg, god på samarbeid, nøyaktig og med eit godt humør - då er det deg vi søkjer!

Vi ber om at attestar og vitnemål vert lasta opp som vedlegg til søknaden din. Ved intern omrokkering kan andre stillingar bli ledige.

Arbeidsoppgåver

• Telefonsvarsteneste
• Planlegging av timeavtalar
• E-postkorrespondanse
• Bestilling av drosje
• Bestilling av tolk
• Ventelister og rapportar
• Anna pasientadministrativt arbeid

Kvalifikasjonar

• Gode norskkunnskapar, både skriftleg og munnleg, er heilt avgjerande for forsvarleg pasienthandsaming.
• Har gyldig norsk autorisasjon som helsesekretær eller anna relevant kontorfagleg utdanning/kompetanse.
  
• Har erfaring med Helseplattformen.
  
• Har gode IT-kunnskapar.
  
• Relevant erfaring frå sjukehus, og erfaring frå poliklinikk er ein fordel.

Personlege eigenskapar

For at du skal lukkast i jobben, trur vi at:

• Du har ei utprega tenesteinnstilling med høgt engasjement og ein positiv tilnærming.
• Gode samarbeidsevner/kommunikasjonsevner og eit ynske om å bidra til eit godt arbeidsmiljø.
• Du er oppteken av kvalitet i arbeidet som vert utført, og arbeider nøyaktig og strukturert.
• Du må samarbeide godt, ta ansvar, sjå moglegheiter og vere villig til endringar som vert gjort.
• Personleg eignaheit vil bli vektlagt.
• Du trivst i hektiske periodar og har høg arbeidskapasitet.
• Du er løysingsorientert og open for endringar.
  
• Erfaring vil bli vektlagt.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir her!

Kontaktinformasjon

Maria Lovis Aarseth, Seksjonsleiar, maria.lovis.aarseth@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 4929392322
Stillingsprosent: 100%
Fast
Søknadsfrist: 15.04.2025