ID 2045 Avdelingsleiar Sæbøhaugen bustader - Eining for habilitering

Sæbøhaugen bustader er eit døgnbemanna bu- og omsorgstilbod for personar med nedsett funksjonsevne.

Bufellesskapet er organisert i Eining for habilitering som har hovudkontor i SKE-bygget på Leirvik. Avdelingane i Sæbøhaugen er bufellesskap med totalt 14 bustader fordelt på tre bygg, A, B og C. Kvar bustad inneheld 1 soverom i tillegg til stove/kjøkken. Det er tilknytt eigen personalbase til bustadane og det vert gitt heildøgns omsorg til dei bebuarane som har behov for det.

Sæbøhaugen A og B er organisert som eit burettslag og ligg innunder STOBO, Stord Boligbyggelag AL. Bebuarane eig, eller leiger bustadane. Sæbøhaugen C er kommunalt eigd og bebuarane leiger bustadane.

Det er ledig 100 % fast stilling som avdelingsleiar frå 01.09.23.

Som avdelingsleiar er du ein del av Eining for habilitering si leiargruppe og du rapporterer til einingsleiar. Du deltek aktivt i leiargruppa og har eit felles ansvar for utvikling av tenestene med tanke på fag, personale og økonomi. Du er ein fagleg sterk leiar og er god til å involvera, motivera og myndiggjera medarbeidarane dine. Du har god gjennomføringsevne, er trygg i rolla som leiar og klarar å skapa engasjement. Du likar struktur og orden, samstundes som du er løysingfokusert og fleksibel. Du opptrer roleg i komplekse situasjonar og meistrar periodar med høgt arbeidstempo. Du har gode kommunikasjons -- og samarbeidsevner og er god på å bygga relasjonar på tvers i organisasjonen. Personlege eigenskapar vil verta vektlagt ved tilsetting.

Arbeids- og ansvarsområde er mellom anna:

• Ansvar for dagleg drift i avdelingane og følgja opp eininga og avdelingane sine målsetjingar
• Ansvar for at me yt tenester av god kvalitet innanfor tildelte ressursrammer og i samsvar med tenestemottakarane sine vedtak
• Personaloppfølging
• Samarbeida og dela kompetanse på tvers av avdelingane
• Kjenna til og bruka eininga og avdelingane sine prosedyrar og rutinar
• Gjera seg kjent med og bruka aktuelle dataprogram som kommunen har i drift
• Turnusplanlegging
• Internkontrolloppgåver

Kvalifikasjonskrav:

• Autorisert vernepleiar, autorisert sjukepleiar, eller relevant sosialfagleg utdanning på bachelor nivå
• Relevant leiarerfaring
• Relevant leiarutdanning er ynskjeleg
• Det er ein fordel med kjennskap til aktuelle fagsystem som kommunen nyttar
• God framstillingsevne både munnleg og skriftleg
• Førarkort klasse B
• Det er krav om godkjent politiattest av nyare dato

Me kan tilby:

• Varierte arbeidsoppgåver i eit tverrfagleg fagmiljø
• Godt arbeidsmiljø
• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
• Løns- og arbeidsvilkår i samsvar med kommunalt avtaleverk

Offentlig tenestepensjon i KLP - Kort fortalt

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktperson: Einingsleiar Esther Aasen Bjelland, tlf 97552097.