Miljøterapeut/miljøarbeidar

TTF er bustadar som ivaretek brukarar med psykisk utviklingshemming av ulik grad. Det er både fastbuande brukarar og avlastingstilbod. Vi ynskjer oss ein miljøarbeidar som ser heilskapen, har fokus på kvalitet og fag, er nøyaktig, empatisk, initiativrik, og som likar å jobbe i eit utfordrande og spanande fagmiljø både sjølvstendig og saman med andre. Vi skal spele kvarandre gode!

Stillinga er eit ledd i å styrke tenesta og vil samarbeide tett med fagansvarleg vernepleiar og andre faggrupper som jobbar i tenesta og på tvers med andre tenester som helse og skule. Stillinga som nå blir lyst ut vil i hovudsak vere knytt til ein brukar.

Sektor for helse og omsorg er i omstilling for å møte framtidige behov og endringar kan førekome.

Arbeidsoppgåver

Oppfylging av brukar i tverrfagleg samarbeid med anna fagpersonell og spesialisthelseteneste.

Den vi søker må takle stress og nye utfordringar, vere fleksibel og samarbeidsvillig, og like varierande arbeidsoppgåver. Du må kunne jobbe i team, og kunne stå åleine med hovudansvar. Vi deltek i fagutvikling, forbetrings- og endringsarbeid, kompetanseheving innanfor klinisk vurderingskompetanse og tek i bruk teknologi og digitale løysingar der det kan bidra til å understøtte meistring og medverknad.

Kvalifikasjonar

• Vi ynskjer søkarar med høgare utdanning innan helse og omsorg, fagbrev innan helse og omsorg vil også bli vurdert.
• Erfaring/interesse frå/for arbeid med personar som har utviklingshemming og funksjonsnedsetting vil vere ein fordel.
  

Personlege eigenskapar vil bli vektlagt i stor grad ved tilsetting.

Personlege eigenskapar

• Utviklingsorientert, handlekraftig og fleksibel.
  
• Set fagleg kvalitet høgt.
  
• Gode evner til å kommunisere og skape ein god arena for samarbeid.
  
• Kreativ og ser moglegheiter framfor begrensningar hos brukarar.
  
• Evne til å jobbe sjølvstendig.
  
• Evne og vilje til tverrfagleg samarbeid.
  
• Likar utfordringar.
  
• Har brukar i fokus.
  

Den som blir tilsett må ha førarkort for personbil.

Vi tilbyr

• Faglege utfordringar i eit godt arbeidsmiljø med gode kollegaer.
  
• Stor takhøgde for faglege diskusjonar og eit arbeidsmiljø med humor – med fokus på at saman får vi det til. Alle tilsette er like viktige i teamet uavhengig av profesjon.
  
• Kommunale vilkår inkludert god pensjonsordning.
  
• Denne stillinga inneber jobbing i døgnturnus og 100 % stilling utgjer 7 døgn på 4 veker.
• Løn etter avtale.
  
• Vakker natur, rein luft og eit hav av moglegheiter for friluftsliv både sommar og vinter.
  
• Barnehage og skule er lokalisert i sentrum.

Kontaktinformasjon

Gunn Marit Aslestad, Avdelingsleiar HSPL/TTF, +47 97717105

Arbeidssted

Tøddekroken 1
3870 Fyresdal

Nøkkelinformasjon:

Arbeidsgiver: Fyresdal kommune

Referansenr.: 5080473351
Stillingsprosent: 100%
Fast
Søknadsfrist: 01.03.2026