Kulturskulelærar Fløyte m/ utøving

Time kulturskule skal tilsette ny fløytelærar. Undervisningsstillinga har ein liten utøvande del og utgjer til saman 35 % fast tilsetting. Arbeidsinnhald er undervisning av fløyteelevar og eventuelt akustisk samspel. Den utøvande delen av stillinga er på 5 % konsertering for Den kulturelle spaserstokken (Dksp) og andre oppdrag i lag med ensembelet Trio Triol. 

Me søkjer deg som ivrar for kunstfagleg opplæring og som vil vera del av lærarkollegiet i ein framtidsretta, attraktiv, aktiv og kreativ kulturskule. 
Time kulturskule har i dag 23 tilsette og om lag 700 aktive elevplassar. 

Skulen tilbyr allsidig undervisning innan dei fem fagområda musikk, dans, drama, kunstfag og skapande skriving. Kulturskulen har instruktør/dirigentansvar for dei fire skulekorpsa i kommunen, og skulekorpsa er del av musikkundervisningstilbodet. Nokre musikklærarar har del-stilling for kunstnarisk utøving. 

Kulturskulen sin base ligg sentralt, nært Bryne sentrum/Bryne stasjon. Me har samlokalisering med Bryne skule om undervisningsrom og aula, og hovudvekta av den faste undervisninga skjer her. Det er i tillegg tilbod om noko desentralisert undervisning ute på krinsskulane i kommunen.
Me har samarbeid med lokalt kulturliv, med grunnskule og barnehage og med kulturskulane i nabokommunane. Det er ei viktig målsetting å vera synlege i lokalsamfunnet og elevane skal læra, utøva og oppleva gjennom dei estetiske faga.

Time kulturskule arbeider etter Rammeplan for kulturskulen "Mangfald og fordjuping", eigne lokale fagplanar og har fokus på "eleven som glødande punkt" og vurdering for læring. Me har eigen verdiplakat med fokus på "kunstnarisk kompetanse og kreativitet, engasjement, samarbeid, ansvar, trivsel og respekt". 
Kulturskulen har tidlegare hatt status som demonstrasjonskulturskule og arbeider i dag aktivt med visjonar for "Framtidas kulturskule".    

Arbeidsoppgåver

Fløytelæraren skal vera del av Time kulturskule sitt faste lærarkollegie og faglege fellesskap. Me ønsker at du behersker både klassisk tradisjon og populærmusikalsk/rytmisk genre i undervisningssamanheng. Du må kunna undervisa elevar i ulik alder og på ulikt nivå, frå yngre nybegynnarar til vidarekomne ungdommar på fordjupingsprogram. Undervisninga skjer enkeltvis og/eller i gruppe. Fleire av elevane er knytt til skulekorps og får opplæring via kulturskulen. Du må vera fleksibel til å kunne tilby supplerande undervisningsopplegg innan samspel og prosjektarbeid.
Lærarstillinga tilseier kollegasamarbeid i kulturskulen sin seksjon for blås/stryke-instrument og i tillegg noko samarbeid med dirigent/korpsseksjon. Kulturskulen sitt undervisningstilbod har fokus på tilpassa opplæring og individuell tilrettelegging og skal vera i samsvar med Rammeplan for kulturskulen "Mangfald og fordjuping" samt våre lokale fagplanar. Time kulturskule skal kjenneteiknast av kvalitet, mangfald, inkludering og samhandling. Kollegiet i Time kulturskule arbeider etter felles nedfelt visjon, målsetting og verdiplakat. 

Kvalifikasjonar

Time kulturskule har eit høgt utdanna og dedikert personale. Det er ønskeleg at vår nye fløytelærar har høgskule/universitetsutdanning i musikk med hovudinstrument fløyte på bachleor- eller masternivå m/ integrert- eller tilleggsfag pedagogikk/metodikk. Erfaring frå undervisning i kulturskule vert vektlagd. I den utøvande delen av stillinga krevst utøvande ferdigheitar og god musikalsk formidlingsevne. God munnleg norskkompetanse eller eventuelt vilje til å ta norskopplæring. Utdanning frå utlandet må vera NOKUT-godkjend. 

Personlege eigenskapar

Time kulturskule søker deg 

• som har både kunstnariske og pedagogiske ferdigheiter
• som kan legga til rette for god læring og meistring
• som trivst i lag med barn og ungdom og som med fagleg dyktigheit har evne til å sjå den enkelte elev individuelt og i gruppesamanheng
  
• som er samhandlande og samtidig har teft for sjølvstendige arbeidsoppgåver
  
• som har gode samarbeidsevner
• som er positiv og deltakande i eit kollegialt jobbfellesskap
• som evner å ta initiativ, koma med innspel og bidra til utvikling
  

Me tilbyr

 

• eit godt triveleg og levande arbeidsmiljø
• kollegafellesskap med høgt kvalifiserde lærarar innan ulike kunstnariske fag 
• kollegaer som er opptekne av å finna gode løysingar og å gjera kvarandre gode
  
• stor aktivitet med prosjekt, opptredenar og utadretta verksemd for både elevar og lærarar
• variert og allsidig arbeidsinnhald
• lønn etter gjeldande tariff for kulturskulelærarar
• gode pensjonsordningar

Kontaktinformasjon

Guri Årsvoll, Rektor, +47 473 01 209, guri.arsvoll@time.kommune.no

Arbeidsstad

Ola Barkveds veg 16
4340 Bryne

Nøkkelinformasjon:

Arbeidsgivar: Time kommune

Referansenr.: 4730772535
Stillingsprosent: 35%
Fast
Startdato: 01.01.2024
Søknadsfrist: 30.11.2023