Reinhaldsoperatør/reinhaldar

Herøy kommune, Eigedom

Sjukeheimsvegen 12, 6092 Fosnavåg

Stillingsannonsen er inaktiv.

Om jobben

Stillingstittel: Reinhaldsoperatør/reinhaldar
Type ansettelse: Vikariat, deltid 80%
Arbeidstid: Turnus
Arbeidsspråk: Norsk
Antall stillinger: 1
Arbeidssted: Hjemmekontor ikke mulig

Eigedomsavdelinga ved seksjon reinhald, har ledig eit vikariat i ca 80 % stilling som reinhaldsoperatør/reinhaldar. Stillinga kan verte fast tilsetting. Seksjon reinhald har ansvar for reinhald på skular, barnehagar, omsorgssenter, kulturhus, rådhus, bibliotek, kino og mykje meir.

Arbeidsoppgåver

regelmessig reinhald
periodisk reinhald
hovedreingjering

Kvalifikasjonar

fagbrev som reinhaldsoperatør eller erfaring innan reinhaldsfaget
må kunne bruke IKT som arbeidsverktøy for mellom anna dokumentere utført arbeid
vere interessert i ny teknologi som til dømes bruk av robotar
ha gode norskkunnskapar, skriftleg og munnleg
ha førarkort klasse B
må kunne jobbe på helg

Vi ber om at du lastar opp vitnemål og attestar i Webcruiter saman med søknaden.

Kommunen har nynorsk administrasjonsmål.

Personlege eigenskapar

Vi ønskjer deg som:

tek ansvar for arbeidsoppgåvene dine og sikrar at dei blir utført på ein god måte
tilpassar deg behov som kan oppstå i løpet av arbeidsdagen
kommuniserer på ein god måte, både med leiar, kollegaer og dei som brukar bygga
er til å stole på og møter opp til avtalt tid
har vilje til å lære deg nye ting i jobben
bidreg tik å skape trivsel på arbeidsplassen og godt samarbeid for å løyse oppgåver

Vi legg stor vekt på personlege eigenskapar, i tillegg til kunnskap og erfaring.

Vi tilbyr

Vi tilbyr varierte arbeidsdagar i fleire avdelingar. Du må like endring i både arbeidsoppgåver og arbeidsstad.

løn etter gjeldande tariffavtale
rettleiing og kurs innan ergonomi og arbeidsmetodar
godt arbeidsmiljø
pensjon- og forsikring gjennom KLP

Herøy kommune er i kommunegruppe 5, noko som vil seie at dersom du bur og arbeider i kommunen, kan du frå 1. januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen.

Vi tilsett etter gjeldande tariffavtale, lover og reglement.

Aktuelle kandidatar vert kalla inn til intervju. Søkjarlista kan verte offentleggjort.

Kontaktinformasjon

Ada Fjørtoft Kleppe, Reinhaldsleiar, +47 95726386

Arbeidsstad

Sjukeheimsvegen 12
6092 Fosnavåg

Nøkkelinformasjon:

Arbeidsgivar: Herøy kommune

Referansenr.: 5032731459
Stillingsprosent: 80%
Vikar
Søknadsfrist: 01.12.2025

Om bedriften

Herøy kommune er perla ytst mot storhavet på Sunnmøre. Det er nær 9000 innbyggarar i Herøy. Arbeidsmarknaden i regionen er stor og variert. Herøy er spesielt kjent for å skape verdiar frå hav og fiske.

Frå Fosnavåg, kommunesenteret vårt, tek det 45 minutt å køyre til Ørsta-Volda lufthamn. Til Ålesund kjem du deg på under halvannan time.

Kommunen sin visjon er "ei båtlengd føre". Kjerneverdiane våre er respekt, tillit og samhandling. VI er om lag 750 tilsette i kommuneorganisasjonen.

I Herøy har vi eit breitt kultur-, fritids- og idrettstilbod med festivalar og arrangment for alle. Naturen og kysten vår er vakker. Øya Runde, med det mektige fuglefjellet, er vi ekstra stolte av !