Stipendiat i klinisk vaksenpsykologi - Behandling av langvarige traumereaksjonar

Dette er NTNU

NTNU er et breddeuniversitet med en teknisk-naturvitenskapelig hovedprofil og et tyngdepunkt innen profesjonsutdanning. Universitetet er lokalisert i tre byer med hovedsete i Trondheim.

På NTNU jobber 9 000 ansatte og 43 000 studenter med å skape kunnskap for en bedre verden.

Du finner mer informasjon om NTNU som arbeidsplass og søknadsprosessen her. 

. Video: https://youtu.be/Xt-yHCN5QS0

Om stillingen

Er du motivert for å ta steget mot ei doktorgrad og opna opp for spennande karrieremoglegheiter? Som stipendiat hos oss vil du jobba for å oppnå doktorgraden din, og samtidig opparbeida deg verdifull erfaring som kvalifiserer til vidare karriere innan høgare utdanning og forsking, i og utanfor akademia.

Din næraste leiar vil vera fageiningsleiar.

Om prosjektet

Doktorgradsprosjektet «Effekt av ei kombinert behandlingstilnærming for pasientar med langvarige traumereaksjonar etter samansette livsbelastningar» er ein 100 % stilling over tre år som stipendiat ved Institutt for psykologi. Prosjektet er ein randomisert kontrollert studie som blir gjennomført i samarbeid med Nidelv DPS, St. Olavs hospital.  Dersom søkjar er tilsett ved relevant klinisk avdeling og har moglegheit for kombinert klinisk/akademisk stilling i perioden kan forlengd tidsperiode vurderast.
I denne kliniske studien blir samanlikna opplevd betring, endring i symptom og funksjonsmål over to år mellom ei gruppe pasientar som får standard behandling (treatment as usual, TAU) mot ei gruppe pasientar som deltek i eit gruppebasert kombinert målretta behandlingstilbod. Formålet er å testa ut om ei tilnærming som inneber emosjonsregulering og ferdigheitstrening i gruppe kombinert med individualbehandling har ein effekt for den store gruppa pasientar i psykisk helsevern med symptom som er samsvarande med PTSD og C-PTSD. Behandlingstilbodet inngår i ordinær drift i DPS, og målet med prosjektet er å innhenta kunnskap for å forbetra helsetenesta og bidra med kunnskap om nye behandlingstilnærmingar i psykisk helsevern for pasientar med traumereaksjonar. Prosjektet er eigd av Nidelv DPS, og blir utført i samarbeid med Institutt for psykologi (IPS) og Institutt for psykisk helse (IPH) ved NTNU. For meir detaljert informasjon om prosjektet blir vist til publisert protokoll.
Stipendiaten vil delta i arbeid med siste del av datainnsamling, systematisera, analysera og publisera resultat frå studien i samarbeid med den klinisk akademiske forskingsgruppa.
 

Arbeidsoppgåver

• fullføra doktorgradsutdanninga fram til oppnådd doktorgrad.
• akademiske publiseringar og populærvitskapleg formidling
• delta i forskingsgruppa ved Nidelv DPS.
• delta i internasjonale aktivitetar som deltaking på konferansar og/eller forskingsopphald ved utanlandsk lærestad.

Det blir gjort merksam på at det etter tilsetjing kan skje endringar i arbeidsoppgåvene dine.

Kvalifikasjonskrav

For stillinga krevst det at du har fullført eit av følgjande utdanningsløp.

• fullført psykologutdanning frå eit nordisk land som gir autorisasjon som psykolog i Noreg, fullført Cand.med. som gir autorisasjon som lege i Noreg, eller anna fullført helsefagleg Masterutdanning med minst to års klinisk relevant arbeidserfaring frå psykisk helsevern. Utdanningsløpet må svara til eit femårig norsk studium på minst 300 studiepoeng, der minimum 120 studiepoeng må vera på masternivå.
• du må ha ein sterk fagleg bakgrunn frå det tidlegare studiet ditt og ha ein gjennomsnittskarakter frå mastergradstudiet, eller tilsvarande utdanning som er lik B eller betre sameint med NTNUs karakterskala. Dersom du ikkje har bokstavkarakterar frå tidlegare studium, skal du ha eit like godt fagleg grunnlag. Dersom du har svakare karakterbakgrunn vil du kunna bli vurdert dersom du kan dokumentera at du er særskild eigna til ein ph.d.-utdanning.
• du må oppfylla krava til opptak på doktorgradsprogrammet til fakultetet.
• god munnleg og skriftleg framstillingsevne i norsk og engelsk.

Me viser til Forskrift til universitets- og høgskulelova (universitets- og høgskuleforskrifta) og Forskrift for gradene philosophiae doctor (ph.d.) og philosophiae doctor (ph.d.) i kunstnarisk utviklingsarbeid ved Noregs teknisk–naturvitskapleg universitet (NTNU) for generelle kriterium for stillinga.

Ønskte kvalifikasjonar

• klinisk psykolog/legespesialist eller har gått i gang med spesialisering i psykiatri/klinisk psykologi 
• interesse for og erfaring med klinisk arbeid med traumelidingar og pasientpopulasjonen ved DPS
• interesse for kvantitative forskingsmetodar 
• erfaring frå relevant behandlingslingsforskning for pasientar i psykisk helsevern

Personlege egenskapar

Vi søkjer deg som 

• har gode samarbeidsevner, men også kan arbeida sjølvstendig og målretta
• har god gjennomføringsevne og er motivert for ei ph.d. utdanning 

• kan arbeida konstruktivt under press eller i møte med motgang 

  Personlege eigenskapar vil bli vektlagde.

Vi tilbyr

• ein spennande jobb med eit viktig samfunnsoppdrag
• utviklande oppgåver i eit sterkt og internasjonalt fagmiljø
• karriereveiledning og oppfølging undervegs i doktorgradsperioden
• ope og inkluderande arbeidsmiljø med engasjerte kollegaer
• driftsmidler som kan brukast til å gjennomføra prosjektet
• fadderordning som nytilsett ved NTNU
• gunstige vilkår i Statens pensjonskasse

Du blir tilsett som stipendiat ved NTNU og får tilgang på tilsettegode og fordeler    
 

Mangfold

Mangfold er en styrke, og ved NTNU har vi et mål om å være en arbeidsgiver som gjenspeiler mangfoldet i samfunnet og som tar i bruk potensialet i befolkningens samlede kompetanser. Vår visjon er Kunnskap for en bedre verden og våre verdier er kreativ, kritisk, konstruktiv og respektfull. Vi har tro på at en virksomhet som er likestilt, mangfoldig og kjønnsbalansert er avgjørende for at vi sammen når våre mål. 

Vi ønsker medarbeidere med ulike kompetanser, fagkombinasjoner, livserfaringer og perspektiver for å bidra til enda bedre oppgaveløsning av vårt samfunnsoppdrag innen forskning og utdanning. 

Hvis du synes denne stillingen er relevant og interessant, oppfordrer vi deg til å søke, uavhengig av kjønn, funksjonsevne og kulturell bakgrunn, eller om du i en periode har vært utenfor arbeidslivet. 

Mangfold er ein styrke, og ved NTNU har me eit mål om å vera ein arbeidsgivar som speglar mangfaldet i samfunnet og som tek i bruk potensialet i dei samla kompetansane til befolkninga. Visjonen vår er Kunnskap for ei betre verd og våre verdiar er kreative, kritisk, konstruktiv og respektfulle. Me har tru på at ei verksemd som er likestilt, mangfaldig og kjønnsbalansert er avgjerande for at me saman når måla våre.  
Me ønskjer medarbeidarar med ulike kompetansar, fagkombinasjonar, livserfaringar og perspektiv for å bidra til endå betre oppgåveløysing av samfunnsoppdraget vårt innan forsking og utdanning. 
Om du synest denne stillinga er relevant og interessant, oppmodar me deg til å søkja, uavhengig av kjønn, funksjonsevne og kulturell bakgrunn, eller om du i ein periode har vore utanfor arbeidslivet.
 

Lønn og vilkår

I stillinga som stipendiat kode 1017 vil lønna di normalt vera brutto kr 550 800,- pr. år men med justering avhengig av kvalifikasjonar og ansiennitet. Frå lønna blir 2 % lovfesta innskot trekte til Statens pensjonskasse.

Tilsetjingsperioden er 3 år for doktorgradsarbeidet.  

For tilsetjing i stipendiatstilling er det ein føresetnad at du får opptak til ph.d.-programmet innan Samfunnsvitskap-fagretning psykologi innan tre månader etter oppstart, og at du deltek i eit organisert doktorgradsstudium innanfor tilsetjingsperioden.
Som tilsett ved NTNU er det viktig at du held deg oppdatert på faglege og organisatoriske endringar og tilpassa deg desse.
For nødvendig samhandling fagleg og sosialt er det ein føresetnad at du er fysisk til stades og tilgjengeleg for institusjonen på dagleg basis.
Tilsetjinga blir gjennomført etter prinsippa i statstilsettelova, og lovverk som regulerer eksport av kunnskap, teknologi og tenester. Kandidatar som etter vurdering av søknad og vedlegg blir rekna for å komma i konflikt med kriteria i sistnemnde lov, vil ikkje kunna bli tilsett.

Om søknaden

Søknad og vedlegg, (inkl. beskriving av det vitskaplege arbeidet ditt) må følgja søknaden då desse blir lagde til grunn for vurderinga. Dokumenta må vera på norsk. 
Me gjer merksame på at søknaden berre blir vurdert ut frå den informasjonen me har ved søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over. Dersom det er relevant, ber me deg oppgi på kva måte du har brukt KI då du skreiv jobbsøknaden din. Søknaden og alle vedlegg blir sende elektronisk via Jobbnorge.no. Dersom du blir invitert til intervju, må du ta med stadfesta kopiar av attestar og vitnemål ved førespurnad.

Søknaden må innehalda:

• karakterutskrifter og vitnemål for and.psychol, cand.med eller mastergrad 
• CV 
• kopi av hovudoppgåve eller masteroppgåve. Om du nyleg har levert masteroppgåva, kan du leggja ved eit utkast av oppgåva. Dokumentasjon av fullført mastergrad må leggjast fram før tiltreding i stillinga.
• Kort søknadsbrev som utdjupar motivasjonen din for stillinga (400 ord/1 side)
• Publikasjonar eller anna relevant forskingsarbeid dersom du har det
• Relevante attestar for ph.d stillinga
• Namn og kontaktinformasjon til tre relevante referansar

Dersom heile eller delar av utdanninga di er tekne i utlandet, skal du leggja ved dokumentasjon på omfang og kvalitet for heile utdanningsløpet ditt, både bachelor- og masterutdanning, i tillegg til ev. anna høgare utdanning. Dersom institusjonen din tilbyr «diploma supplement» (vanleg for dei fleste europeiske lærestader), så legg ved dette. Beskriving av annan dokumentasjon som er nødvendig finn du her. Dersom du har ei fråsegn frå HK-dir, skal du leggja ved henne òg.
Me tek omsyn til arbeid du har gjort saman med andre. Dersom det er vanskeleg å identifisera innsatsen din i fellesarbeida, må du leggja ved ei kort forklaring for medverknaden din.
Ved vurdering av den best kvalifiserte, legg me vekt på nødvendige kvalifikasjonar som utdanning, erfaring, og dessutan personlege eigenskapar. Motivasjon for stillinga, ambisjonar og potensial for forsking vil også telja ved vurdering av kandidatane.
NTNU anerkjenner stor breidd av faglege bidrag og har forplikta oss The San Francisco Declaration on Research Assessment og forpliktingane i CoARA (ansvarleg vurdering av forsking og anerkjenning av ei større breidd av faglege bidrag i samsvar med NTNUs samfunnsoppdrag).

Generell informasjon

Offentleg søkjarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønskjer å reservera deg frå oppføring på offentleg søkjarliste må dette grunngivast. Vurdering vil bli gjord i samsvar med gjeldande lovverk. Du vil bli varsla om reservasjon ikkje blir teken til følgje.

Dersom du synest stillinga ser interessant ut og i tråd med kvalifikasjonane dine er du velkommen til å søkja.
Om du har spørsmål om stillinga kan du ta kontakt med Katrine Høyer Holgersen, tlf. 73592207, e-post katrine.h.holgersen@ntnu.no. 
Om du har spørsmål om tilsetjingsprosessen kan du ta kontakt med HR-rådgivar Ina Halvorsen, e-post: Ina.g.halvorsen@ntnu.no
 

Søknadsfrist: 01.09.2025

Trondheim er ein moderne europeisk by med ei rik kulturscene. Trondheim er Noregs teknologihovudstad med ei befolkning over 200 000. Den norske velferdsstaten, inkludert helsevesen, skular, barnehagar og generell likestilling, er sannsynlegvis den beste i sitt slag i verda. Profesjonell subsidiert barnepass er lett tilgjengeleg. Vidare tilbyr Trondheim gode utdanningsmoglegheiter (inkludert internasjonale skular) og moglegheiter til å nyta natur, kultur og familieliv, og har låg kriminalitet og rein luftkvalitet