Stillingar som barne- og ungdomsarbeidar i barnehagane i Skjåk

Skjåk kommune har ledig fleire stillingar som barne- og ungdomsarbeidar i barnehagen frå 11. august 2025.

Barne- og ungdomsarbeidar i barnehagane i Skjåk

Det er spennande tider i barnehagane i Skjåk. Bygginga av ny barnehage i Bismo startar hausten 2025, og midlertidig barnehage skal driftast på Skjåkheimen i byggeperioden. Hausten 2026 er målet at barnehageavdelingane Holemork og Bismo saman skal flytte inn i nye lokale med fem avdelingar. Barnehageåret 2025/2026 vil det bli jobba mykje med kva som skal kjenneteikne pedagogikken og drifta i den nye barnehagen. Dette er eit arbeid også Dønfoss barnehage vil vere med inn i. Dønfoss naturbarnehage er ein to-avdelingsbarnehage med naturen som ein stor del av kvardagen.

Ledige stillingar som barne- og ungdomsarbeidar i barnehagen.

• 100 % vikarstilling frå 11. august 2025 til 9. august 2026

• 50 % vikarstilling frå 11. august 2025 til 31. desember 2025

• 60 % vikarstilling frå 11. august 2025 til 31. desember 2025

• Fleire vikarstillingar i ulike stillingsstorleikar kan bli ledige

Kvalifikasjonar

Fagbrev som barne- og ungdomsarbeidar er ynskjeleg

· Erfaring frå arbeid med barn vil bli vektlagt

Den som vert tilsett må leggje fram godkjent politiattest

Vi vektlegg at du

• har gode samhandlingsevner

• er raus og tydeleg og deltek aktivt i barnehagen sin kvardag

• tek sjølvstendig initiativ til aktivitet med barnet i sentrum

• er fleksibel i høve til omstillingar

• er ein person med evne til å arbeide både sjølvstendig og i team

• er ein person med interesse for fag og fagutvikling

• har god norskkunnskap, kommunen har nynorsk som administrasjonsspråk

• har god kjennskap til bruk av IKT

Skjåk kommune ynskjer eit mangfald i personalgruppa, og oppmodar særleg menn til å søkje.

Vi tilbyr

• Tilsetting på kommunale vilkår med løn etter avtale

• Pensjonsordning

Spørsmål om stillinga kan rettast til styrar Heidi Jevnheim, telefon 901 93 957

Søknadsfrist 25. mai 2025

• Elektronisk søknadsskjema

• Søkjarlista vil bli offentleggjort. Skjåk kommune praktiserer meiropenheit ved tilsetjingar. Dette inneber at du som søkjar må grunngje særskilt om du ønskjer unntak frå offentlegheit.

Kommunedirektøren