Vil du vere med og forme framtidas helsetenester saman med oss i Helse Møre og Romsdal?

Vi søkjer ein framtidsretta og tydeleg leiar til ei spanande stilling som avdelingssjef ved Avdeling for radiologi Ålesund og Volda, Klinikk for diagnostikk. Dette er ei unik moglegheit for deg som ønskjer å påverke utviklinga av diagnostikktenestene i eit høgteknologisk, innovativt og dynamisk miljø.

 

Om stillinga
Som avdelingssjef vil du leie eit tverrfagleg team av radiologar, LIS-legar, radiografar og anna fagpersonell i eit miljø prega av teknologi, utvikling og tett samarbeid – både internt i sjukehusa og med primærhelsetenesta. Du blir ein sentral del av klinikken si leiargruppe og spelar ei viktig rolle i den strategiske utviklinga på tvers av fagområde.

Du får personalansvar for fire seksjonsleiarar, og skal saman med leiarteamet sikre diagnostikktenester av høg kvalitet og gode arbeidsvilkår for dei tilsette. Stillinga gir høve til vidare leiarutvikling, innovasjon, forsking og bidrag til implementering av kunstig intelligens i tenestene våre.
Saman skal vi levere helsetenester som gjer ein reell forskjell for pasientane – kvar einaste dag.

 

Avdelinga består av tre seksjonar med over 105 stillingsheimlar og eit budsjett på om lag 170 millionar kroner. Verksemda er døgnkontinuerleg og finn stad ved sjukehusa i Ålesund og Volda, begge akuttsjukehus med traumefunksjon.
Klinikk for diagnostikk er organisert på tvers av dei fire sjukehusa i fylket og omfattar fem avdelingar:

• Radiologi Ålesund og Volda
• Radiologi Sjukehuset Nordmøre og Romsdal
• Patologi
• Medisinsk biokjemi og blodbank
• Medisinsk mikrobiologi

 

Vil du vere med på å skape helsetenester for våre pasientar i eit spanande miljø? Send oss ein søknad, vi vil gjerne høyre frå deg!  Oppstartsdato: Snarast/etter avtale. Vi ber om at attestar og vitnemål vert scanna og lasta opp som vedlegg til din CV.

Arbeidsoppgåver

• Overordna ansvar for fag, drift, økonomi, personell og HMS
• Lede og vidareutvikle avdelinga i tråd med strategiar og mål
• Sikre god samhandling med andre avdelingar og eksterne aktørar
• Bidra til eit godt arbeidsmiljø og fagleg utvikling
• Rekruttering og oppfølging av medarbeidarar og leiarar
• Aktiv deltaking i klinikken si leiargruppe
• Noko reise mellom Ålesund, Volda og dei andre sjukehusa i fylket må påreknast

Kvalifikasjonar

• Relevant høgare utdanning
• Leiarerfaring, gjerne med leiarutdanning. Dersom du ikkje har det, forventar vi at du tek dette innan tre år
• Erfaring frå spesialisthelsetenesta er ein fordel
• Kompetanse og interesse for endringsleiing, organisasjonsutvikling og innovasjon

Personlege eigenskapar

• Engasjert, framtidsretta og motivert
• Gode kommunikasjons- og relasjonsferdigheiter
• Evne til å motivere og leie gjennom andre
• Gode samarbeidsevner og evne til å byggje sterke team
• Strukturert, løysingsorientert og med god gjennomføringsevne
• Evne til å arbeide sjølvstendig og målretta
• Teknologisk interessert, utviklingsorientert og innovativ
• Høg arbeidskapasitet og trygg i hektiske periodar

Personlege eigenskapar og leiareigenskapar vil bli sterkt vektlagt. 

Vi tilbyr

• Eit sterkt fagmiljø med høg kompetanse
• Ei spanande leiarrolle i ei utviklingsorientert verksemd
• Gode moglegheiter for fagleg og personleg utvikling
• Løn og vilkår etter gjeldande overeinskomstar
• Gode pensjonsordningar

 

Møre og Romsdal 
Møre og Romsdal har mykje å vise fram! Her er eit mangfold av fjordar, øyer og fjell som ventar på å få begeistre deg. Opplev ville og vakre Sunnmørsalper i Volda, opera og klippfisk i Kristiansund, roser og jazz i Molde og jugendarkitektur i Ålesund. Regionen har et rikt kultur- og konsertliv med både nasjonale og internasjonale artistar, nærhet til flyplass og eit framoverlent næringsliv. Les meir om Sunnmøre og Nordmøre og Romsdal.

Kontaktinformasjon

Per Erik Tødenes, Klinikksjef, 90058631, per.erik.todenes@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 4961971309
Stillingsprosent: 100%
Fast
Søknadsfrist: 09.06.2025