Vil DU bli vår kollega til sommaren? Vi treng deg som er motivert til å gjere det beste for våre pasientar og deira pårørande. Vi ønskjer deg velkomen som søkjar, og vil gjere vårt beste for at du skal trivast.

Kirurgisk og ortopedisk sengepost på Volda sjukehus treng ferievikarar til sommaren 2025. Vi treng sjukepleiarar, helsefagarbeidarar, pleieassistentar, assistentar og studentar innan sjukepleie og medisin. Det er behov ved desse seksjonane i perioda f.o.m. veke 23 t.o.m. veke 34.

Er du på jakt etter ein spennande og utfordrande arbeidsplass? Då er kirurgisk og ortopedisk sengepost noko for deg! Her får du jobbe i eit solid fagmiljø saman med hyggelege og engasjerte kollegaer, der vi alle har eit tydeleg fokus på å gi pasientane den beste mogleg behandlinga.
Vi har hovudsakleg kirurgiske og ortopediske pasientar, men også gynekologiske pasientar. Samarbeid er nøkkelen for at pasientane skal få ei god oppleving under opphaldet på sjukehuset, og her vil du spele ei viktig rolle. Sengeposten er prega av eit høgt tempo, og her får du møte mange varierte og spennande utfordringar.
Med mange ulike diagnosetypar gir denne arbeidsplassen høve til å utvikle kompetansen din på fleire område. I tillegg kan vi tilby eit trygt og sosialt arbeidsmiljø, der samhald og humor er viktige verdiar.

Bli ein del av vårt engasjerte team, og ta del i eit arbeidsmiljø der du både kan utvikle deg fagleg og trivast som kollega.

Tilsetjing vil skje fortløpande!
I søknaden må det kome fram kva tid i den aktuelle perioden du kan arbeide. Ein må pårekne å arbeide annankvar helg.
Det kan påreknast ei til to veker opplæring i forkant av ferieperioden.

Vi ber om at attestar og vitnemål scannast og lastast opp som vedlegg til din CV.

Arbeidsoppgåver

• 3-delt turnus inkludert nattevakter
• Arbeid kvar 2. helg
• Pre- og postoperativ sjukepleie til planlagde og akutte operasjonar
• Planlegge og utføre ulike prosedyrar
• Sjukepleie til akutt og kronisk sjuke
• Sjukepleie til palliative pasientar
• Samhandling med kommunane

Kvalifikasjonar

• Du beherskar norsk skriftleg og munnleg
• Helsefagleg utdanning/bakgrunn
• Gode kommunikasjons- og samarbeidsevner

Å vere personleg eigna vert vektlagt ved tilsetting

Personlege eigenskapar

• Du er serviceinnstilt til pasientar, pårørande og kollega
• Du er ansvarsbevisst
• Du har fleksibel haldning til nye oppgåver eller arbeidsmåtar i ulike miljø
• Du har evne til å halde overblikk og forstå heilheita i seksjonen
• Du har interesse for å utvikle eigen og andre sin kompetanse
• Du må trivast med høg aktivitet i arbeidet
• Du har vilje, interesse og evne til samarbeid med ulike yrkesgrupper
• Du medverkar til å oppretthalde eit godt psykososialt arbeidsmiljø

Vi tilbyr

• Høgt fagleg nivå
• Triveleg arbeidsmiljø
• Ein inkluderande arbeidsplass
• Løn i henhold til gjeldande overeinskomst

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her. - Og her

Kontaktinformasjon

Amanda Faleide, Kont. seksjonsleder, +47 45833029, amanda.faleide@helse-mr.no

Arbeidssted

Kløvertunvegen 1
6100 Volda

Nøkkelinformasjon:

Arbeidsgiver: Helse Møre og Romsdal HF

Referansenr.: 4945943826
Stillingsprosent: 100%
Ferievikar
Startdato: 02.06.2025
Sluttdato: 25.08.2025
Søknadsfrist: 28.04.2025