Barne- og ungdomsklinikken (BUK) er landets nest største barneavdeling, regionsjukehus på Vestlandet og førande i behandling av barnesjukdommar. Vi skal dekke lokale, regionale og enkelte nasjonale behov for spesialisthelsetenesta for barn og unge inntil fylte 18 år, og er lokalisert i Glasblokkene ved Haukeland universitetssjukehus.
 
Vi har eit kontinuerleg fokus på utvikling, samhandling og forbetring, og nyleg samla vi all utgreiing, behandling og oppfølging av barn innan somatikk og psykisk helsevern i Glasblokkene. Dette gir nye og spennande moglegheiter for framtida.
 
BUK har 67 senger fordelt på fem seksjonar: Nyføddintensiv, Medisin A, Medisin B, Medisin C og Barnekirurgi. I tillegg har vi Seksjon for legar, Seksjon for kontor, Energisenteret, Habiliteringstenesta og Stab. I 2023 hadde vi totalt 350 årsverk, om lag 4 000 innleggingar og 33 000 polikliniske konsultasjonar.

Medisin B er ein ny avdeling med 10 senger som behandlar barn og unge med kreft og blodsjukdommar. Vi gir avansert behandling i form av kjemoterapi, aleine eller i kombinasjon med strålebehandling og kirurgi. Du vil også møte pasientar som får høgdosebehandling med stamcellestøtte. Innan kort tid vil vi også kunne tilby protonstråling. Vi har høgt fokus på symptomlindring og palliasjon. Vi samarbeider tett og godt med avansert heimesjukehus, klinikkens palliative team og kommunehelsetenesta. Vi er opptatt av sjukepleie med ei heiskapleg tilnærming både til barn, ungdom og deira familiar.

Avdelinga har eit høgt tempo og avansert sjukepleie der ein har moglegheit til å utvikle seg som sjukepleiar. Dei tilsette har tett samarbeid gjennom arbeidsdagen, og det er eit nært samarbeid mellom lege- og sjukepleiertenesta og øvrige tilsette i avdelinga. Du vil inngå i ei engasjert kollegagruppe med fokus på fag, trivsel og samarbeid.

Har du lyst å bli ein del av vårt team og jobbe med barn og unge i Glasblokkene?  Ved avdelinga er det ledig fast stilling som kreftsjukepleiar.

Den som får tilbod om tilsetting må legge fram tilfredstillande politiattest (vandel), jfr Lov om helsepersonell § 20a (gjeld arbeid med barn og utviklingshemma).

Arbeidsoppgåver

• Sjukehuset har fire hovudoppgåver; pasientbehandling, opplæring av pasientar og pårørande, forsking og utdanning
• Administrere avansert kjemoterapi
• Hos oss skal du overvake, observere og gi pleie til barn og ungdom. I tillegg skal du rettleie, gi støtte og omsorg til pasientane og deira pårørande
• Du vil inngå i eit tverrfagleg samarbeid som skal gi pasientar og pårørande eit best mogleg opphald hos oss

Kvalifikasjonar

• Norsk autorisasjon som sjukepleiar med vidareutdanning innan kreftsjukepleie
• Erfaring med avansert kjemoterapi er ønskeleg
• Det er ønskeleg med erfaring frå arbeid med barn og ungdom, men ingen føresetnad
• Erfaring med, og interesse for, undervisning samt opplæring av pasientar og pårørande er ønskeleg
• Det blir lagt vekt på personlege eigenskapar

Personlege eigenskapar

• Som søkar må du vere fagleg engasjert, sjølvstendig og ha evne til samarbeid
• Du må like å arbeide i høgt tempo og vere innstilt på endring
• Ha respekt for det enkelte medmenneske
• Bidra til eit godt arbeidsmiljø

Vi tilbyr

• Ein spennande og utfordrande jobb
• Opplæringsprogram med fadder
• Fagleg og personleg utvikling
• Godt arbeidsmiljø
• Lønn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Hilde Johanne Hagen, Seksjonsleiar, 41701616

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4949189533
Stillingsprosent: 100%
Fast
Søknadsfrist: 20.04.2025