Sommarvikarar til Sjukehusapoteket i Bergen og Sjukehusapoteket Haraldsplass

Kan du tenkje deg ein sommar med verdifull erfaring, lønn og sjansen til å bli kjent med farmasien på ein litt annleis måte?  

Er du farmasistudent, apotekteknikarelev eller har annan relevant bakgrunn, har du no mogelegheit til å anvende kunnskapen din i praksis, samtidig som du utviklar dine ferdigheiter saman med erfarne kollegaer i eit  stimulerande fagmiljø. 

Kven er vi? 
I Sjukehusapoteka Vest (SAV) jobbar det totalt vel 350 medarbeidarar, fordelt på seks sjukehusapotek og ein sentraladministrasjon i Bergen. Alle saman bidrar til at pasientar over heile Vestlandet kvar dag får legemidla dei treng på ein trygg og riktig måte.  

På sjukehusapoteket i Bergen er vi cirka 145 medarbeidarar. Vi er ein fin miks av apotekteknikarar, farmasøytar og anna helsepersonell, fordelt på fire ulike avdelingar som arbeider godt og tett saman.
I sommar har vil ledige stillingar for sommarvikarar i produksjonsavdelinga, sjukehusekspedisjonen og publikumsavdelinga. I produksjonsavdelinga lagar vi spesialtilpassa legemiddel til pasientar, i sjukehusekspedisjon sørger vi for at alle avdelingane på sjukehusa i Helse Bergen får legemidla dei treng, i publikumsutsalet gir vi råd og vegleiing om legemiddelbruk, og besøkande kan kjøpe legemiddel på eller utan resept 

På sjukehusapoteket Haraldsplass er vi 7 medarbeidarar, både farmasøytar og apotekteknikarar. Vi er fordelt på to avdelingar som jobbar tett saman.
I sommar har vil ledige stillingar for sommarvikarar i begge avdelingane. I sjukehusekspedisjon sørger vi for at avdelingane på sjukehuset Haraldsplass får legemidla dei treng, i publikumsutsalet gir vi råd og vegleiing om legemiddelbruk, og besøkande kan kjøpe legemiddel på eller utan resept 

Når i sommar?
Vi ser etter deg som kan arbeide hos oss i perioden 22. juni til 16. august.  Du må gjerne jobbe heile denne perioden, iallfall minst fem-seks veker. Fire av vekene må også vere samanhengande. Difor er det kjempefint om du kan skrive i søknaden kva veker du kan tenkje deg å jobbe.  
Skriv også om du ønskjer å jobbe på eit av apoteka eller om det er det sama kva apotek du jobbar på.

Ta gjerne kontakt om du lurer på noko om arbeidsoppgåver i avdelinga eller har andre spørsmål!   

Vi ser fram til å høyre frå deg!

Kvalifikasjonar:

• farmasistudentar, med og uten ekspedisjonsrett, og elevar på apotekteknikar linja
• andre studentar/kandidater med interesse for faget og stillinga 
• gode norskkunnskaper, både munnleg og skriftleg
• gode IKT-kunnskapar

Kven er du?

• Vi ser etter deg som har gode samarbeidsevner, er ansvarsbevisst og påliteleg
• Du har eit godt auge for detaljar og er opptatt av kvalitet i arbeidet
• Du er positiv og bidreg til eit godt arbeidsmiljø
• Det vil bli lagt vekt på å vera personleg eigna for stillinga

Vi tilbyr:

• sjansen til fagleg og personleg utvikling
• gode og støttande kollegaer
• opplæringa du må ha
• løn i samsvar med gjeldande overeinskomst  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Waled Al-Zayadi, Sjukehusapotekar, 93692420
Bisharo Osman, Sjukehusapotekar, 41416434

Arbeidsstad

Jonas Lies vei 89
5021 BERGEN

Nøkkelinformasjon:

Arbeidsgivar: Sjukehusapoteka Vest

Referansenr.: 5066016730
Stillingsprosent: 100%
Vikariat
Søknadsfrist: 15.02.2026