Rådgjevar

Har du lyst til å vere med å forme og utvikle Vestland fylkeskommune, å vere med å arbeide med spennande utfordringar i sterke fagmiljø med engasjerte kollegaer?

Vestland fylkeskommune forvaltar den nasjonale og regionale kulturarven i eit langsiktig og berekraftig perspektiv. Vi arbeider kunnskapsbasert og legg vekt på samhandling med stat, kommunar og sivilsamfunn. Bevaring og utvikling av kulturverdiane står sentralt i dette arbeidet.

I kulturarvseksjonen er det ledig 100 % stilling som rådgjevar.

Stillinga er lagt til fageining for museum, fartøy- og bygningsvern.

Arbeidsoppgåver

Arbeidsoppgåvene til stillinga er i hovudsak knytt til lovheimla forvalting av kulturminne.

Til stillinga ligg mellom anna:

• dispensasjonshandsaming etter kulturminnelova
• tilskotsforvaltning 
• utarbeiding av fredingssaker
• rådgjeving og dialog med kommunar, organisasjonar og einskildpersonar

• formidlingsoppgåver
• førebuing av saker til politisk handsaming

• prosjektarbeid

Stillinga kan og bli knytt opp til tverrfaglege oppgåver på avdelinga og seksjonen, til dømes forvaltningsoppgåver etter plan- og bygningslova og utvikling av og deltaking i prosjekt innan kulturfeltet generelt.

Kvalifikasjonar

• Høgare utdanning (hovudfag/mastergrad) innanfor relevant fagområde
• Kvalifikasjonar er sivilarkitekt, master i arkitektur/kunsthistorie eller tilsvarande
• Dokumentert kunnskap om antikvariske prinsipp i bygningsvern og kjennskap til relevant lovverk
• Førarkort for bil klasse B

Personlege eigenskapar

Vi ynskjer oss ein kollega som:

• Er strukturert og arbeider sjølvstendig, men også godt saman med andre
• Er engasjert og ynskjer å bidra til fagleg kompetansebygging internt og eksternt
• Har interesse for bevaring og utvikling av kulturarven
• Har kjennskap til offentleg forvaltning
• Har god skriftleg og munnleg formuleringsevne
• Har digital kompetanse

Vi tilbyr

Eit av Noregs mest sentrale fagmiljø innafor bevaring og utvikling av kulturarven. Hjå oss vil du få arbeide sjølvstendig i ei fagleg utfordrande og spennande stilling i eit tverrfagleg miljø. Vi kan tilby deg ein variert arbeidskvardag med meiningsfulle arbeidsoppgåver.

• Spennande oppgåver og gode vilkår for fagleg utvikling
• Løns- og arbeidsvilkår i samsvar med gjeldande avtaler i Vestland fylkeskommune

• Arbeidsstad Førde
• Du må rekne med litt reiseaktivitet

Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.

Kontaktinformasjon

Eva Moberg, leiar, 90591452

Arbeidsstad

Storehagen
 Førde

Nøkkelinformasjon:

Arbeidsgivar: Vestland fylkeskommune

Referansenr.: 4955736742
Stillingsprosent: 100%
Fast
Søknadsfrist: 27.05.2025