Pedagogisk leiar

Me søker etter ein pedagogisk leiar i 100% fast stilling.

Ådalen barnehage er ein kommunal barnehage som stod ny hausten 1995 og totalrenovert i 2005. Barnehagen har fire avdelingar kalla opp etter stadar på Kvernaland; Blåberget, Trikanten, Litlaberget og Knatten, samt eit stort og flott uteområde. Her er det plass til 62 barn. Barnehagen har høg dekning av barnehagelærarar og barne- og ungdomsarbeidarar.

Trygt og godt barnehagemiljø
Me er opptekne av det skal vera trygt og godt å vera i barnehagen. Personalet har ulike metodar for å kontinuerleg undersøka miljøet i barnehagen, og relasjonane mellom både vaksne og barn. Det er viktig at både barn og vaksne har det trygt og godt. Derfor jobbar me aktivt med å skapa eit inkluderande og godt barnehagemiljø der alle skal trivast og vera ein del av samhaldet.

Leiken
Leiken er den viktigaste aktiviteten for barna. Å få delta i leik og å ha vennar, er grunnlaget for tryggleik og trivsel. I leiken lærer og utviklar barna ein svært samansett kompetanse. I Ådalen er me opptekne av å skapa inkluderande aktivitetar saman med barna. Dette gjer me for eksempel ved å ha aktive vaksne med mykje leikekompetanse om deltek i frileiken, og med aktivitetar som snøkanonen vår som skaper mykje glede og god leik på vinteren, yogaaktivitetar for dei eldste, snekkerbod + med meir, skapar me aktivitetar som bidrar til vennskap, inkludering og samhald.

Arbeidsoppgåver

Pedagogisk leiar vil ha ansvar for planlegging, gjennomføring, dokumentasjon og evaluering av pedagogisk arbeid i barnegrupper. Foreldresamarbeid og personalleiing er og ansvarsområder som følger stillinga. 

Kvalifikasjonar

- Godkjent utdanning som barnehagelærar
- Gode munnlege og skriftlege norskkunnskapar
- Me legg vekt på at du er eigna til stillinga

Personlege eigenskapar

Me søker etter deg som kan vera aktiv deltakar i utviklingsarbeid saman med andre leiarar og tilsette. Me er ute etter barnehagelærarar som har gode samarbeidsevner, god relasjonskompetanse og er gode på gruppeleiing. Me ønsker leiarar som har fokus på inkludering og ein autoritativ leiarstil.

Me tilbyr

• Du får arbeida saman med dyktige, engasjerte kollegaer
• Konkurransedyktig lønn
• Kommunale tilsettingsvilkår og pensjonsordning
• Rettleiing som nyutdanna
• Tilbod om etter- og vidareutdanning
  
  Me krev politiattest for tilsetting i barnehage. 

 

Kontaktinformasjon

Elisabeth Ree, styrar

Arbeidsstad

Theodor Dahls veg 68
4355 Kvernaland

Nøkkelinformasjon:

Arbeidsgivar: Time kommune

Referansenr.: 4902640441
Stillingsprosent: 100%
Fast
Startdato: 03.03.2025
Søknadsfrist: 26.01.2025