100% fast stilling som fagarbeidar i Tenesta for funksjonshemma - Mjøstølen avlastning

Ledig fast stilling som fagarbeidar- 100%

Arbeidsstad: Teneste for funksjonshemma, for tida på natt, ved Mjøstølen avlastning.

På Mjøstølen avlastningsbustad yter vi tenester til familiar med barn med særskilte behov. Vi yter også tenester til unge vaksne med særskilte behov.
Vi er opptekne av at barna og familiane skal oppleve tryggleik når barnet er hjå oss. Arbeidet på natt innebærer å skape gode og trygge rammer for barna, gjennomføre tilsyn medan barna søv, gjennomføre medisinske rutinar og skape ein god start på dagen for den enkelte. 

Arbeidet inneber også førebuande arbeid til neste dag, som nistelaging, vasking av klede og andre faste rutinar. 

Me søkjer primært etter helsefagarbeidar til stillinga, men me høyrer gjerne frå deg som har anna bakgrunn og interesse for faget og brukargruppa. Stillinga har pr.d.d. vakter på 12,5 time, arbeid tredjekvar helg, og med lengre fri mellom kvar arbeidsperiode. Vi søkjer etter deg som er positiv, samarbeidsvillig, som trivst med nattarbeid og langvakter, som er løysningsorientert og lojal mot arbeidsplassen og arbeidsoppgåvene. 

Det er ønskelig at du kan tiltre stillinga frå 01.oktober 2025.

• Målretta miljøarbeid 
• Samarbeid med skule, spesialisthelsetenesta og pårørande 
• Følge opp interne rutinar i samarbeid med leiar 
• Bidra til eit godt arbeidsmiljø 
• Legemiddelhandtering

• Har erfaring frå målretta miljøarbeid og målgruppa 
• Har erfaring med vedtak etter HOL kap. 9 
• Har gode samarbeidsevner, er fleksibel og positiv 
• Likar å vere i fysisk aktivitet 
• Er stabil og personleg skikka til stillinga 
• Meistrar norsk skriftleg og munnleg 

• Ein fagleg krevjande, spennande og lærerik jobb 
• Opplæring og rettleiing 
• Dyktige, hyggelige og løysingsorienterte kollegaer 
• Lønn etter hovudtariffavtalen 
• Gode moglegheiter for kompetanseheving med støtte frå kommunen 

• Politiattest jf. Helse- og omsorgstenestelova § 5-4
• Førarkort klasse B er ikkje eit krav, men ein fordel

Kontaktpersonar:

• Verksemdleiar Harald Molven, tlf.: 97 43 66 62 
• Avdelingsleiar Karina Sjurstræ, tlf.: 91 35 70 69

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.  

I følgje offentleglova § 25 vert det stilt følgjande krav for å få unntak: 

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/