Sjukepleiar/Vernepleiar

Helse- og omsorgstenesta i Bygland kommune har om lag 50 årsverk. Eininga omfattar mange ulike fagområde, mellom anna sjukeheim, heimebaserte tenester (open omsorg), habiliteringstenesta, helsestasjon, jordmor, flyktningteneste, psykisk helse og rus, samt institusjonskjøkken. Tenesta har eit leiarteam som består av kommunalsjef for helse og omsorg, ein rådgjevar og tre avdelingsleiarar. Leiarteamet arbeider tett saman på tvers av avdelingane.

Bygland er i utvikling, og vi skal tilpasse oss morgondagens tenestebehov. Vi satsar på systematisk fagutvikling, meistring, velferdsteknologi og tillitsbasert leiing. Vi ønskjer å fokusere på kombinasjonen av «varme hender» og velferdsteknologi, slik at folk skal kunne bu der dei ønskjer, så lenge som mogleg.

Kommunen er ein del av innovasjonspartnerskapet i Agder, som utviklar tenester der målet er at brukarane skal oppleve tryggleik og sømlause tenester i eigen heim og på institusjon.

Me treng dykk som er sjukepleiarar eller vernepleiarar, og som framleis er svoltne på nye utfordringar. Har du stor arbeidskapasitet og trivst med travle arbeidsdagar? Det er viktig at du er flink med folk, og at du har evne til å rettleie, setje grenser og gjere kollegaene dine gode. Fordi me er opptekne av å stadig forbetre og utvikle tenesta, må du òg vere positiv til endringar.

 

Vi har no to ledige stillingar:

1 x 20 % fast helgestilling og 60 % vikariat, totalt 80 %. Turnus er tredelt med noen 12,5 timers vakter innimellom. Til denne stillinga ønskjer vi primært sjukepleiarar. Dersom det ikkje melder seg kvalifiserte søkjarar som sjukepleiarar, kan vi opne for vernepleiarar. Tiltreding: snarast. Vikariatets sluttdato: 03.01.2027.

1 x 80 % svangerskapsvikariat som nattevakt. Tiltreding frå mai 2026 til august 2027. Til denne stillinga er vi opne for både sjukepleiarar og vernepleiarar.

 

Stillingane høyrer til pleie- og omsorgseininga i Bygland kommune og er lokaliserte på Byglandsheimen.

Arbeidsoppgaver

• Sjukepleiefagleg ansvar.
• Inneha funksjon som skiftleiar på vakt.
• Sikre dokumentasjon i samsvar med lovverket.
• Vere primærkontakt for brukarar.
• Fagleg ansvar, mellom anna iverksetjing, oppfølging og evaluering av tiltak.
• Bidra med kompetansehevande kollegarettleiing, undervisning og rettleiing av andre tilsette, brukarar, pårørande og eventuelt andre som treng det.

Kvalifikasjoner

• Offentleg godkjend sjukepleiar/vernepleiar med norsk autorisasjon. HPR‑nummer skal førast i CV.
• Det er ønskjeleg med Førarkort klasse B.
• Det er ønskjeleg med erfaring frå kommunehelsetenesta.
• God kjennskap til bruk av IKT.
• Tilfredsstillande norsk­kunnskapar med god evne til å formidle både skriftleg og munnleg.
• Tilfredsstillande politiattest er ein føresetnad for tilsetjing. Denne skal ikkje leggjast ved søknaden, men må leverast snarast mogleg etter tilbod om tilsetjing, og før ein tek til i stillinga.

Personlige egenskaper

• Personleg eignaheit vil bli tillagt stor vekt.
• Gode samarbeidsevner – du er flink til å skape gode relasjonar og liker å jobbe i team.
• Evne til å opptre sjølvstendig, er initiativrik og fleksibel, ser kva som må gjerast og får det gjort.
• Du er utviklingsorientert, analytisk, ryddig, resultatorientert og kvalitetsbevisst.
  
  

Vi tilbyr

• Eit stimulerande og godt arbeidsmiljø med gode utviklingsmoglegheiter.
• Meiningsfylte arbeidsoppgåver i samarbeid med trivelege og kompetente medarbeidarar.
• Tarifflønn og eit rekrutteringstilskot (Grunnløna etter reell ansiennitet, pluss rekrutteringstilskotet, blir lik grunnløna til ein arbeidstakar med full ansiennitet).
• Kompensasjonstillegg for nattevaktstilling.
• Medlemskap i KLP.
• Vilkår elles i samsvar med gjeldande lover, forskrifter og regulativ.

Kontaktinformasjon

Sofie Oliegreen, Avdelingsleder helse, +4794189036

Arbeidssted

4745 Bygland

Nøkkelinformasjon:

Arbeidsgiver: Bygland Kommune

Referansenr.: 5070407675
Stillingsprosent: 80%
Fast
Søknadsfrist: 23.02.2026