Sauland skule søker etter ny lærar

Elevane på skulen skildrar deg slik:
“Du er snill og morosam! Du lyttar til forslaga våre og på kva vi har å seie. Det gjer oss trygge. Er du kreativ og tek med praktiske oppgåver i undervisinga, blir vi kjempeglade!”

Gode folk rundt deg.
Som lærar er du ein superhelt! Glade barn og engasjerte kollegaer møter du kvar dag på jobb som lærar hos oss.

Du får rom for sjølvstende og kreative løysningar.
Du får planlegge og gjennomføre opplæring og evaluere undervising. Vårt mål er å leggje til rette for inkluderande undervising for alle elevane.

Og hugs! Kollegaene dine er gode samarbeidspartnarar. Ver derfor ikkje redd for å huke tak i ein kollega for litt sparring.

Du får jobbe på ein ny og moderne skule.
Legg noko av undervisinga til vårt flotte skulebibliotek. Dette er ein møteplass der elevane får inspirasjon og lyst til å lære!

Skulen er «dysleksivenleg skule». 

Visste du forresten at Hjartdal er ein kommune med MOT?
På skulen jobbar du, kollegaene dine og elevane med:

-          MOT til å leve: Vere seg sjølv, leie seg sjølv, ha passion, akseptere at  ein ikkje alltid er bra.

-          MOT til å bry seg: skape godkjensle hos andre, vise respekt, vise kjærleik, vise omsorg for dei som er utanfor.

-          MOT til å seie nei: prioritere, stå for eigne verdiar, våge å seie ifrå, praktisere tøff kjærleik.

Vi har ein fin visjon for oppvekst i vår kommune. «Vi trivast, lærer og har MOT til å gå saman.»

Vi søkjer ein lærar som er varm, tydeleg og relasjonssterk, og som skapar eit inkluderande og trygt læringsmiljø. Du må vere fleksibel, samarbeidsorientert og bidra positivt i eit lite, profesjonelt fellesskap. Vi ser etter deg som kommuniserer godt, tek ansvar, arbeider sjølvstendig og viser engasjement for fagleg utvikling. Kjennskap til og interesse for lokal kultur og nærmiljø er ein fordel.

Vi trur du er eit varmt menneske
Du legg inn ein innsats for å skape ein god relasjon til elevar, føresette og kollegaer.

Du har eit sterkt engasjement og ambisjonar for elevane.
Som ein trygg og tydeleg klasseleiar hjelper du elevane til sosial og fagleg utvikling. Du strebar etter at elevane skal oppleve tryggleik, trivsel og meistring.

Du trivast i eit aktivt miljø.
På skulen kan det bli litt armar og bein. Vi lovar deg mange smil og latter!

Du er fleksibel.
Du er løysingsorientert og har evne til å tilpasse undervising for alle elevar. 

• Godkjent lærarutdanning/pedagogisk utdanning for arbeid i skulen, gjerne med god fagkunnskap i norsk, matematikk eller engelsk.
• Det er ein forutsetning med god IKT-kompetanse og erfaring i bruk av læringsbrett og læringsappar i det pedagogiske arbeidet.
• Vi søkjer etter ein medarbeidar med solide fagkunnskapar i spansk eller tysk.
• God skriftleg og munnleg kompetanse.

• Prøvetida di er på 6 månadar. Du blir godt kjent med oss, og vi blir godt kjent med deg!
• Du får gode pensjons- og forsikringsordningar.
• Du blir tilsett basert på gjeldande lover, reglement og tariffavtaler. 
• Blir du kalla inn til intervju? Vi gleder oss til å prate med deg! 
   Men du - hugs å ta med ein kopi av vitnemål og attestar. 
• Skal du bli tilsett, må du vere personleg egna for stillinga.

No manglar det berre å sende ein søknad og CV. Den sendast elektronisk.

Har du nokre spørsmål? Vi svarar deg gjerne på det du lurar på!

Kontakt rektor, Anne Gro Solli, på tlf. 414 42 688.
e-post: anne.gro.solli@hjartdal.kommune.no  

Er du annonsør eller del av bemanningsbyrå? Takk for interessa, men vi ønskjer ikkje å bli kontakta.