Avdeling spesialisert psykosebehandling (ASP), i dag lokalisert på Sandviken-området, er ei av fem avdelingar i Psykiatrisk klinikk, Divisjon psykisk helsevern. 

Psykiatrisk klinikk er i stadig utvikling og har som ambisjon å vere eit fyrtårn innan psykisk helsevern. Kvalitet i behandling og pasienttryggleik, og eit fagleg sterkt og godt arbeidsmiljø er sentralt i arbeidet vårt. 

Avdeling spesialisert psykosebehandling (ASP) har no ledig 100% fast stilling som seksjonsleiar i seksjon S4. Seksjonen er ein lukka akuttpost med 12 sengeplassar. Seksjonen driv hovudsakleg med utgreiing og behandling av pasientar med akutte psykosar og samarbeider med andre instansar for å trygge utskriving til eigen bustad eller overføring til anna, eigna behandlingstilbod.

Som leiar får du stor moglegheit til å påverke og vidareutvikle seksjonen gjennom innovasjon og fagutvikling. I tillegg tilbyr vi tilgang til leiarutviklingsprogram og faglege nettverk som støttar både din personlege og profesjonelle utvikling.

Arbeidsoppgåver

• Personal-, HMS- og resultatansvar for seksjon
• Ansvar for at vi driv døgnbehandling i tråd med faglege retningslinjer og overordna krav
• Ansvar for å legge til rette for eit godt og lærande arbeidsmiljø
• Legge til rette for fagleg og personleg utvikling hos den enkelte og motivere til fagutvikling
• Halde seg oppdatert og orientert om gjeldande lover og føresegner
• Sjå klinikken sin samla aktivitet som ein heilskap
• Medverke til at seksjonen sine totale ressursar blir utnytta til det beste for heile klinikken
• Som seksjonsleiar rapporterer du til avdelingssjef for spesialisert psykosebehandling (ASP), og du blir del av leiargruppa ved ASP

Kvalifikasjonar

• Høgare helsefagleg utdanning
• Kunnskap og erfaring med arbeid med psykiske lidingar
• Kunnskap om psykisk helsevern
• Leiarerfaring og leiarutdanning er ønskeleg
• God munnleg og skriftleg framstillingsevner
• God brukarkompetanse innan IKT

Personlege eigenskapar

• Fagleg sterk, engasjert og fleksibel
• Evne til å vere samlande og skape engasjement
• Evne til å delegere, motivere og spele medarbeidarar gode
• Evne til å arbeide sjølvstendig, stukturert og målretta
• Sterk på avgjerder og gjennomføring
• Tydeleg på forventingar og tilbakemeldingar
• Gode kommuniksasjons- og samarbeidsevner, trivast i eit fleirfagleg miljø
• Vere opptatt av trivsel og arbeidsmiljø
• Bidrar positivt til eit fagleg og kollegialt godt miljø på seksjonen og i leiargruppa

Vi tilbyr

• Moglegheit til å leie ei flott personalgruppe med mykje kunnskap og engasjement
• Lønn etter avtale
• Gode pensjons- og forsikringsordningar
• Fagleg og personleg utvikling
• Leiaropplæring og leiarstøtte
• Utfordrande og varierte arbeidsoppgåver
• Ein arbeidsplass som er ei inkluderande arbeidsliv-bedrift (IA-bedrift)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Igne Sinkeviciute, Avdelingssjef, 55958580

Arbeidsstad

Sandviksleitet 1
5036 Bergen

Nøkkelinformasjon:

Arbeidsgivar: Helse Bergen HF

Referansenr.: 4940344039
Stillingsprosent: 100%
Fast
Søknadsfrist: 13.04.2025