Ferievikarar på Nissedal omsorgssenter 2026

Nissedal omsorgssenter har totalt 12 pasientar på skjerma og somatisk avdeling. Vi søkjer etter ferievikarar på dag og kveld, samt natt, frå veke 25 - 32. Vi søkjer deg som ynskjer å bidra til ein god og trygg kvardag for bebuarane på omsorgssenteret. 

Som ferievikar på omsorgssenteret vil du utføre varierte  pleie- og omsorgsoppgåver med fokus på medverknad, tillitsskapande tiltak og miljøarbeid tilpassa den enkelte avdeling. 

Søknaden må innehalde: 

• Når du kan byrje i stillinga
• Kva for avdeling du ynskjer å jobbe
• Om du ynskjer å jobbe natt eller dag/kveld
• Om du ynskjer fridagar eller helger du ikkje kan jobbe i den perioden du bind deg for, må dette kome fram i søknaden

Arbeidsoppgåver

Arbeidsoppgåver vil blant anna vere: 

• Pleie- og omsorgsoppgåver tilpassa den enkelte bebuar
• Stell og pleie
• Tilrettelegging av måltider
• Observasjon av helsetilstand
• Dokumentasjon i gjeldande journalsystem
• Samarbeid med brukar og pårørande
• Bidra til eit godt arbeidsmiljø

Kvalifikasjonar

• Vi treng ulike kompetanseområde:
  - Sjukepleiarar
  - Helsefagarbeidarar
  - Elevar innan helsefaget.
  - Assistentar med helsefagleg erfaring
• Beherske norsk munnleg og skriftleg
• God på relasjonsbygging
• Evne til å jobbe sjølvstendig, samtidig som du er god til å samarbeide med kollegaer

Det vil bli lagt vekt på personlege eigenskapar. 

Personlege eigenskapar

Vi søkjer deg som: 

• Ynskjer å bidra til ein god og trygg kvardag for bebuarane
• Kan jobbe sjølvstendig
• Har ynskje om å jobbe med menneske
• Har gode samarbeidsevner
• Er lojal, initiativrik og er trygg i kommunikasjon med andre

Vi tilbyr

• Ein meiningsfull sommarjobb som vil gje deg nyttig og verdifull arbeidserfaring
• Tilsetjingsvilkår etter gjeldande lov, tariffavtale og kommunen sitt reglement
• Løn etter gjeldande avtalar, med eigen avlønning for studentar med relevant høgskuleutdanning
• Bonusordningar. Om du bind deg for 5 eller fleire veker der arbeidsgjevar har styringsrett vil det bli utbetalt bonus for 5, 6 og 7 veker

Kontaktinformasjon

Eline Metveit, Avdelingsleiar for institusjonstenester

Arbeidsstad

Sollivegen 2
3855 Treungen

Nøkkelinformasjon:

Arbeidsgivar: Nissedal kommune

Referansenr.: 5083987615
Stillingsprosent: 100%
Fast
Søknadsfrist: 06.03.2026