Vi søker metoderettleiar i Arbeid med støtte i region Sogn
 
Har du trua på at alle kan vere i jobb med rett rettleiing og støtte, og kan du tenkje deg å vere på farten mesteparten av arbeidstida? I region Sogn har Nav Sogndal ledig fast stilling som metoderettleiar i det interne tiltaket Arbeid med støtte (AMS). Nav Sogndal er ein spennande arbeidsplass med høgt kvalifiserte og motiverte medarbeidarar. AMS-teamet er sett saman av to jobbspesialistar og ein metoderettleiar som gir tenester til alle dei seks kommunane i region Sogn. Stillinga er knytt til eit regionalt marknadsteam og metoderetteleiar har ansvar for å rettleie jobbspesialistane i teamet mot felles mål, og bidra til å utvikle tenesta Arbeid med støtte i Nav.
 
Vårt mål er å hjelpe folk med samansette utfordringar til å finne arbeid. Du må vere ei tydleg stemme i høve tenesta sine mål og verdigrunnlag, og ha tru på at alle menneske har ein plass i arbeidslivet. Rollen er også viktig for å utvikle eit trygt, inkluderande og positivt arbeidsmiljø i teamet. Metoderettleiar har ansvar for å rettleie jobbspesialistane i teamet mot felles mål, og bidra til å utvikle tenesta Arbeid med støtte. SE-metodikk er grunnlag for den faglege rettleiinga av teamet og samhandlinga med deltakarane. Metoderettleiaren har ansvar for oppfølging og rapportering av resultat for tenesta og den individuelle jobbspesialisten. Metoderettleiar har det faglege ansvaret for tenesta, men har ikkje personalansvar. Som metoderettleiar har du eit særskild ansvar for å utvikle tenesta i Nav med beslutningstakarar på ulike nivå, og metoderettleiar representerer tenesta både internt og eksternt mot relevante samarbeidspartar. Du må rekne med ein del tid ute i lokalmiljø saman med jobbspesialistane, arbeidsgivarar, utdanningsinstitusjonar og helsetenesta. Metoderettleiar skal også ha eigen portefølje.

Arbeidsoppgaver

• Ansvar for rettleiing og fagleg utvikling av teamet med jobbspesialister, i gruppe og individuelt etter Supported Employment-metoden 
• Månadlege porteføljegjennomgangar
• Feltrettleiing
• Bidra til å skape et godt tverrfagleg samarbeid i Nav i region Sogn
• Tett samarbeid med teamleiar om utvikling av tenesta på kontoret
• Rapportering 
• Eigen portefølje med deltakarar
• Bistå teamet ved behov

Kvalifikasjoner

Du må ha:

• Fullført utdanning tilsvarande bachelor. Relevant utdanning og/eller arbeidserfaring kan kompensere for kravet til utdanning.
• Gode rettleiingsevner
• Gode munnlege og skriftlege kommunikasjonsevner
• Gode samarbeid- og forhandlingsevne
• God evne til å jobbe strukturert, målretta og metodisk
• God kjennskap til arbeidsmarknaden i regionen
• Erfaring som jobbspesialist
• God kunnskap om metoden Supported Employment
• Førarkort kl B

Det er ynskjeleg at du har:

• Erfaring med fagansvar og teamleiing med gode resultat
• Erfaring som metoderettleiar
• Kjennskap til kvalitetsrettleiaren
• Erfaring innan rekruttering, med oppsøkende sal, nettverksbygging eller anna relasjonsarbeid mot bedrifter
  

 

Personlige egenskaper

• Du trivst med å jobbe endringsretta med målgruppa og teamet, og å vere ein god relasjonsbyggar
• Du har tru på at alle menneske kan skaffe seg og behalde ein jobb, uavhengig av helseutfordringar
• Du har gjennomføringsevne i oppsøkande relasjonsarbeid mot arbeidsgivarar
• Du er sjølvgåande og proaktiv med evne til å jobbe både åleine og i team
• Gode sosiale ferdigheiter og evne til å skape tillit
• Evne til å følge opp resultat og ha oversikt over statistikk
• Evne til å administrere og koordinere, og jobbe planmessig og systematisk
• God rolleforståing

Vi tilbyr

• Spennande og meiningsfylte arbeidsoppgåver
• Høve til å bli kjend med nye bransjar og mange spennande arbeidsgivarar
• Et godt arbeidsmiljø med engasjerte, hyggelege og kompetente kollegaer
• Fleksibel arbeidstid med kjernetid mellom kl. 09.00 - 14.30
• Trening i arbeidstida
• God pensjonsordning gjennom Statens pensjonskasse (frå lønna vert det trekt 2 %)
• Stillingskode Seniorrådgiver (1364) og lønn fra kr. 640 000 – kr. 680 000. Høgare lønn kan vurderast for spesielt kvalifiserte søkarar.

Kontaktinformasjon

Rigmor Wathne, Avdelingsleiar , 472 86 676, rigmor.wathne@nav.no

Arbeidsstad

Sognefjordvegen 56
6863 Leikanger

Nøkkelinformasjon:

Arbeidsgivar: NAV

Referansenr.: 4952174105
Stillingsprosent: 100%
Fast
Søknadsfrist: 11.05.2025